Ч.ЗОТОЛ ШИНЭ намын зөвлөл өчигдөр Төрийн ордны их танхимд хурлаа хийлээ. Байгуулагдаад долон сар болж буй тус намынхан өнгөрсөн хугацаанд  Улсын дээд шүүхэд бүртгэлээ баталгаажуулж,  90 мянга гаруй гишүүд,  дэмжигчидтэй болсон гэсэн мэдээллийг хурлын эхэнд олон нийтэд өгсөн юм. УИХ-ын гишүүн хурлыг нээж хэлсэн үгэндээ “Шударга ёсны зам хэзээ ч дардан байгаагүй. Үнэний төлөө тэмцэж хэлмэгдсэн, хавчигдсан, гадуурхагдсан мянга мянган иргэдээ ШИНЭ нам өмгөөлөх болно. ШИНЭ нам нь улс орноо хөгжлийн замд хөтлөх, ард түмнийхээ амьжиргааг дээшлүүлэх, улс орныхоо тусгаар тогтнол, бүрэн эрхт байдлыг хангах алсын хараатай, цэгцтэй бодлогыг хэрэгжүүлэх болно. Өнөөдөр дэлхий нийтээр аж үйлдвэрийн  IV  хувьсгал, тоон эдийн засаг, зохиомол оюун ухааны эрин үеийн сорилтуудын өмнө тулж ирлээ. Шинэ цагийн шинэ сорилтууд биднээс үндэсний эрх ашгаа хангаж чадахуйц шинэ бодлого боловсруулахыг шаардаж байна.ШИНЭ нам нь оюуны санааны, бодлогын манлайлагч улс төрийн хүчин байхыг эрмэлзэх болно” гэлээ. Эх сурвалж: www.polit.mn