С.САРУУЛ Монголын ногоон намаас УИХ-ыг яаралтай тарахыг шаардаж байр сууриа илэрхийллээ. Тус намын дарга О.Бум-Ялагч “Манай нам 2017 оны аравдугаар сард УИХ-ыг тарах шаардлагыг МАН-д өгч байсан. Гэвч шат шатандаа хариулт өгөөгүй. Гэтэл хоёр жилийн дараа ч  байдал дээрдсэнгүй. Улс төрийн соёл гэж байх ёстой. Өнөөгийн улс төр, нийгмийн нөхцөл байдлыг харвал УИХ яаралтай тарахаас өөр аргагүй боллоо.  Хүн амын 63 хувь нь ядуу, өдөрт хоёр ам. доллараас бага өртгөөр амьдарч байна. Хууль хэрэгжихгүй,эрх мэдэлтнүүд нь ард түмний хөрөнгийг дээрэмддэг, Оюутолгойн гэрээтэй холбоотой 35 зөрчил зөрчил хууль бус үйлдэл илэрсэн УИХ авч хэлэлцэхгүй байгаа нь тарах үндэслэл божл байна. Аюулгүйн зөвлөл нь уран олборлох асуудлыг дэмжиж байгаа нь байж боломгүй. УИХ-д үнэмлэхүй ялалт байгуулсан МАН хоёр тал болж хуваагдсан нь ард түмний саналыг хүндэтгэхгүй байгаа үйлдэл.  Есөн сарын дараа УИХ-ын сонгууль болно. Энэ сонгуулиар ч, үүнээс өмнө ээлжит бус сонгууль явуулсан ч АН, МАН гарахгүй нь тодорхой болсон. Харин нэр цэвэр намуудад итгэл хүлээлгэх боломж байгааг сүүлийн үеийн судалгаа харуулж байна. Эх сурвалж: www.polit.mn