Х.ОЮУНБОЛД “Бүнээ, Сүнээ хоёр” буландаа  энэ удаад олон улсын Оюун ухааны музей дэх оньсон тоглоомын талаар мэдээлэл хүргэхээр бэлтгэлээ. Олон улсын оюун ухааны музейн захирал З.Түмэн-Өлзийгийн ярьснаар  монголчууд эртнээс хүүхдийг насны онцлогт нь тохирсон тоглоом наадгайгаар тоглуулдаг байжээ. Тус музейд модны үндсээр сийлсэн шатар, сэтгэлгээ задлах цаасан хайчилбар, малын яс ашиглаж хийсэн уран бэрийн нүүдэл тоглоом болон төмрөөр урласан оньсон тоглоомыг томоос жижиг хүртэл нь өржээ. Эдгээрээс хэдхэн секундын дотор гогцооноос нь мулталж тайлах “Эргүүлэг” тоглоомыг онцлоё. Хүүхэд энэ оньсыг тайлж сурснаар нүүдэлчин амьдралын салшгүй хань болсон морины аргамжаа, уяа цулбуурыг эрчлүүлж орооцолдуулахгүй байлгаж сурах юм. “Эргүүлэг” тоглоомыг тоглох арга нь их энгийн. Тодруулбал, перпендикуляр хэлбэрээр хоёр  төмрийг хэлхсэн гогцоог салаавчлан зөрүүлснээр гогцооноос нь салгадаг юм байна. Үүнтэй төстэй хүүхдэд зориулсан  өөр нэг тоглоом нь “Тэгнээ” хэмээх нэртэй бүтээл. Тоглох зарчим нь “Эргүүлэг” тоглоомтой төстэй. Эх сурвалж: “Зууны мэдээ” сонин 2019.4.4 № 69 (6036)