Б.ДАМДИН-ОЧИР Бид Төрийн өндөрлөгүүд гэж нэрлэдэг, ҮАБЗ-ийн гурван гишүүний хоёр нь эзгүй байна. УИХ-ын дарга Г.Занданшатар Швейцарийн Холбооны Улсын Үндэсний зөвлөлийн даргын урилгаар тус улсад албан ёсны айлчлал хийхээр өнөөдөр /2019.3.11./ нислээ. Тэрээр Швейцарийн Холбооны Улсын Үндэсний зөвлөлийн дарга Марина Кароббио Гүшэттитай албан ёсны хэлэлцээ хийж, тус улсын парламент-Үндэсний зөвлөлийн үйл ажиллагаа, парламентын дэгийн зохицуулалттай танилцана. Мөн энэ үеэр Монгол Улс, Швейцарийн Холбооны Улс хооронд дипломат харилцаа тогтоосны 55 жилийн ойн хүндэтгэлийн ёслолд оролцох юм байна. УИХ-ын даргын айлчлал энэ долоо хоногийн баасан гаригт дуусна. Мөн Ерөнхий сайд У.Хүрэлсүх өнгөрсөн амралтын өдрүүдээр Өмнөд Судан улсыг зорьжээ. UNMISS буюу НҮБ-ын мандаттай  Өмнөд Судан дахь Энхийг сахиулах ажиллагаанд үүрэг гүйцэтгэж буй наймдугаар ээлжийн цэргийн багийн алба хаагчдад хүндэтгэл үзүүлэх юм байна.  Тэрээр энэ долоо хоногийн дундуур эх орондоо ирнэ. Тэгэхээр яг одоо Аюулгүйн зөвлөлийн хоёр гишүүн гадаадад айлчилж, ажиллаж, Ерөнхийлөгч Х.Баттулга “гэр”-ээ сахиж үлдээд байна. Манай улсын хувьд төрөөс авч байгаа зарим арга хэмжээ буюу эдийн засгийн шинжтэй томоохон шийдвэрүүд нийгэмд дуулиан шуугиан тарьж, үйл ажиллагаа нь явагдаж байгаа. Нэг үгээр тогтворгүй байдалтай байгаа юм. Эх сурвалж: www.polit.mn