Ч.ЗОТОЛ   Улс төрийн намууд “Эх орончдын өдөр”-ийг тэмдэглэж, угшил нэгтэй   МАХН, МАН-ынхан Д.Сүхбаатарын хөшөөнд цэцэг өргөсөн юм. Энэ өдөр Ардын нам  Тусгаар тогтнолын ордондоо баярын хурал зохион байгуулсан бол МАХН  амьд хөгжмийн  Beacon  хамтлагтай хамтран  “Эх орончдын өдөр-Залуусын баяр” нэртэй хурлыг  “The Corporate” –д хийв. Залуус   илтгэл сонсч, дуулж, бүжиглэсэн нь хурлыг шинэлэг, сонирхолтой болгов. МАХН-ын хувьд  Үндсэн хуулийг  өөрчлөх Дээд хуулийн төсөл санаачилснаа  ард түмнээр хэлэлцүүлж байгаа.  Энэ хуулийг батлуулснаар улс орноо хөгжүүлнэ, иргэдийн амьдралыг дээшлүүлнэ, төрийн тогтолцоог монгол хүнд ээлтэй болгож  шинэчилэх зорилт дэвшүүлсэн. Энэ удаа тус намын залуу лидерүүдийн тавьсан  илтгэлд   өөрчилнө, шинэчилнэ гэсэн хувьсгалт үгс хүчтэй сонсогдсон нь   Rec on  хамтлагийн дуулдаг хүний эрх, эрх чөлөөний төлөө тэмцье, ард түмний төлөө, гагц хүний төлөө зүтгэе, хүнийг хайрлая гэсэн сэдэвтэй дуунууд хоршиж залуусыг доргиож байсан юм. Эх орончдын өдөр  МАХН Нийслэлийн  Түмтийн дарга  хуульч Э.Эрдэнэжамъянд  тамга тэмдгийг нь хүлээлгэж өгөв. Нийслэлийн асуудлаарх МАХН-ын бодлогыг цаашид зангидаж явах болсон тэрээр  баярын  хуралд “Шинэ гарц-Шинэ нийслэл” сэдвээр илтгэл тавьсан. Илтгэлд  “Өнөөгийн залуусын хүсэл мөрөөдлийг бий болгохын төлөө МАХН ажиллах болно. Нийслэлд  амьдарч буй хоёр сая орчим иргэн  ямар хэцүү нөхцөлд аж төрж байгааг хэн бүхэн мэдэж байгаа ч үүнийг засч залруулахад төр төдийлөн сайн ажиллахгүй байна. Утаа, бохирдлыг арилгах асуудлыг бизнес болгон харж байгаа нь харамсалтай. Тэгвэл бид нийслэлийн асуудлыг шийдэх гарц гаргалгааг тал бүрийн эрдэмтэн судлаачдын багтай хамтран судалгаа явуулж, шийдэл гаргасан байгаа. Тодруулбал, шинэ нийслэлтэй болж, иргэдээ ажилтай, орлоготой, сурч боловсрох нөхцөлөөр ханган, залуусынхаа амьдрах орчинг бүрдүүлж болох юм гэдэг шийдвэр гаргасан. Үүнийгээ МАХН-ынхаа мөрийн хөтөлбөрт тусган Улсын дээд шүүхэд бүртгүүлсэн. Ирэх сонгуульд мөрийн хөтөлбөртөө багтаасан тэрхүү ажлуудаа хийж хэрэгжүүлэхийн төлөө ажиллана. Дан ганц нийслэлийг зохион байгуулаад зогсохгүй дахин найман дагуул  хотыг байгуулах боломжтой” –г онцолжээ. МАХН ийнхүү нийслэлд шинэ бүтцээр ажиллахын зэрэгцээ  залуусын хүчийг дайчлах  бололтой. Эх сурвалж: www.polit.mn