С.САРУУЛ УИХ-ын даргыг огцруулах жагсаалыг зохион байгуулсан гишүүд Төрийн ордонд орж УИХ-ын даргатай уулзжээ. Уулзалтын талаар мэдээлэл өгөхдөө  УИХ-ын гишүүн Л.Болд "Таван гишүүн жагсаал зохион байгуулах зөвшөөрөл авахдаа маш том хариуцлага хүлээсэн. Тиймээс ч 50, 60 мянган хүн тайван замаар жагсаж байна.  Харин ордноос Т.Аюурсайхан гишүүн рүү ярьсан. Ингээд бид итгэл тээгээд ордонд орж ирсэн ч доромжиллоо.  УИХ-ын дарга 30 хуудас ажлын тайлангаа өгч байна. Бид түүнийг нь хүлээж авсангүй. Бид үймээн самуунд уриалаагүй. Гэхдээ гадаа байгаа хүмүүс ямар хариу үйлдэл үзүүлэхийг бид мэдэхгүй.  Төлөвлөгөөний дагуу суулт хийнэ" гэлээ. УИХ-ын гишүүн Л.Оюун-Эрдэнэ “Гэр  барьж өлсгөлөн зарлана. Жагсаалын зорилгыг өөрчлөх МАНАН-гийн гар хөл болсон хүмүүсийн зорилгыг биелүүлж болохгүй. М.Энхболд гэж хүн нийгмийн уур амьсгалыг мэдрэхгүй байна" гэв. Тэд одоо Үндэсний Аюулгүй Байдлын зөвлөлийн бусад гишүүн болох Ерөнхийлөгч, Ерөнхий сайдтай уулзах юм байна. Эх сурвалж: www.polit.mn