С.САРУУЛ Хууль зүйн байнгын хорооны өнөөдрийн /2019.01.08/ хуралдаанаар хэд хэдэн асуудал хэлэлцэх ёстой байсан ч гишүүдийн ирц бүрдсэнгүй. Энэ талаар тус байнгын хорооны дарга Ш.Раднаасэдээс цөөн асуултад хариулт авлаа. -Хуульзүйн байнгын хорооны хуралдаанаар Ерөнхийлөгчийн өргөн барьсан хуулийн төслийг хэлэлцэх үү? -Манай байнгын хороогоор хэлэлцэхгүй. Уг хуулийн төсөлд өмнөх зохицуулалтыг оруулж байгаа учраас буруутгах асуудалгүй. -Гишүүдийн бойкотоос болж  олон чухал асуудал чуулганаар орж чадсангүй. Намрын чуулганы  хугацааг сунгах уу? -Намрын чуулган үргэлжлэн хуралдах байх. -Орд газруудыг төр  мэдэлдээ авч байна.  Мөн Засгийн газрын гишүүн өөрөө очиж “тусгай ажиллагаа” явуулах нь хэр зохимжтой вэ?   -Хууль бус үйлдэл гаргасан бол төр хуулийн дагуу авах нь зөв. Гагцхүү үүний цаана хэн нэгний, гадна дотныхныг үргээсэн үйл ажиллагаа явуулах нь буруу. Засгийн газрын гишүүд нь  ийм зүйлд өөрсдөө очоод байх шаардлагагүй  гэж  бодож байна. АМХЭГ нь үйл ажиллагааг нь цуцлаад явна биз. -УИХ-ыг тарааж ээлжит бус сонгууль зарлахыг Ардчилсан нам шаардлаа? -УИХ-ын 51 гишүүн гарын үсэг зурж байж энэ асуудал хэлэлцэгдэнэ. Парламент эмзэг байж болохгүй. Дарламентын засаглал бол Монгол Улсын тусгаар тогтнол, аюулгүй байдлын баталгаа. Хоёр их гүрний дунд оршдог орны хувьд парламентын засаглал байх ёстой. Дарга өөрчилснөөр парламент нурдаггүй. Парламентыг өөрчлөх асуудал Үндсэн хуулиар хамгаалагдсан. -УИХ-ын таван гишүүний бүрэн эрхийг түдгэлзүүлэх асуудал  орж ирсэн үү? -Мэдэхгүй. -ҮХЦ “60 тэрбум”-ын асуудлаар хэдий хэр хугацаанд шийдвэр гаргах вэ? -ҮХЦ хүлээж авснаас хойш 30 хоногийн дотор хэлэлцэх хуультай. ҮХЦ ямар хугацаанд шийдвэр гаргах нь Цэцийн асуудал. Эх сурвалж: www.polit.mn