С.САРУУЛ
Байнгын хороо, парламентын ажил гацаад даруй сар гаруй хугацаа өнгөрлөө. Уг нь зарим яамны сайд нарыг томилох, чөлөөлөх. Мөн Алтны татварын хувь хэмжээг тогтоох гээд яаралтай горимоор хэлэлцэх асуудал цөөнгүй байгаа ч эрх баригч намын гишүүд хуралдаа суухгүй хэмээн бойкот хийснээс ийнхүү төрийн ажил урагшлахаа болиод удаж байгаа юм.
Тухайлбал, өнөөдөр/2019.01.08/ Эдийн засгийн байнгын хорооны ирц бүрдээгүйгээс долоо дахь удаагаа хойшиллоо. Тус байнгын хороогоор Зам, тээврийн хөгжлийн сайдыг үүрэгт ажлаас нь чөлөөлөх, Ашигт малтмалын тухай, Газрын тосны тухай, Газрын тосны бүтээгдэхүүний тухай хуульд нэмэлт, өөрчлөлт оруулах тухай хуулийн төслүүд, Хөрөнгө оруулалтын банкны тухай хуулийн төсөл, хоёр улсын Засгийн газар хоорондын хэлэлцээр гээд цөөнгүй асуудал хэлэлцэхээр төлөвлөөд байсан юм.
Эх сурвалж: www.polit.mn