С.САРУУЛ Элчин сайд Б.Ганболд Инчон хотноо байрлах НҮБ-ын Ази, Номхон далайн эдийн засаг, нийгмийн комиссын Зүүн, Зүүн Хойд Азийн салбар төвийн захирлаар томилогдож өчигдөр /2019. 1. 7/-нд ажилдаа оржээ. НҮБ-ын Ази, Номхон далайн эдийн засгийн комиссын үйл ажиллагаа нь тус бүс нутагт эдийн засаг, нийгмийн тэгш хүртээмжтэй бөгөөд тогтвортой хөгжилд хүрэх гишүүн орнуудын хамтын ажиллагааг дэмжихэд чиглэгддэг бөгөөд Комиссын Зүүн, Зүүн Хойд Азийн салбар төв нь Монгол Улс, БНХАУ, ОХУ, Япон, БНАСАУ, БНСУ-ын хамтын ажиллагааны хүрээнд үйл ажиллагаа явуулж, техникийн чанартай төсөл хөтөлбөр хэрэгжүүлдэг байгууллага юм байна. Элчин сайд Б.Ганболд нь 1998-2000 онд ГХЯ-ны Мэдээлэл, мониторингийн газрын захирал, 2001-2003 онд ГХЯ-ны Төрийн нарийн бичгийн дарга, 2004-2008 онд Бүгд Найрамдах Социалист Вьетнам Улсад суугаа Элчин сайд, 2008-2013 онд ГХЯ-ны Ази, Номхон далайн орнуудын газрын захирал, 2013-2018 онд Бүгд Найрамдах Солонгос Улсад суугаа Элчин сайд, 2018 оны 10 дугаар сараас ГХЯ-нд Тогтвортой хөгжлийн асуудал хариуцсан Тусгай үүрэг гүйцэтгэгч Элчин сайдаар ажиллаж байжээ. Тэрээр НҮБ болон түүний системийн байгууллагад өндөр албан тушаал хашиж буй цөөн Монгол иргэдийн нэг юм.  Эх сурвалж: www.polit.mn