С.САРУУЛ
Улсын хэмжээнд төрийн албан хаагчдын ажил, мэргэшлийн түвшинг үнэлж дуусчээ. Үнэлгээнд 13 яам, 23 агентлаг, 21 аймаг, 330 сум, нийслэл, есөн дүүргийн төрийн жинхэнэ 45381 албан хаагч хамрагдсан байна. Үнэлгээг төрийн жинхэнэ албан хаагчийн үйл ажиллагаа, мэргэшлийн түвшинг үнэлэх болон төрийн байгууллагын үйл ажиллагааг үнэлэх гэсэн хоёр хэлбэрээр явуулж, яам, агентлаг, аймаг, нийслэл, төрийн тусгай чиг үүрэг хэрэгжүүлэгч байгууллагаар нь ангилан дүнг нь нэгтгэжээ.
Засгийн газрын Хэрэг эрхлэх газрын Тэргүүн дэд дарга Г.Баясгалангаар ахлуулсан комисс энэ дүнг нэгдүгээр сарын 16-ны өдөр Засгийн газрын өргөтгөсөн хуралдаанд танилцуулахаар болсон байна.
Эх сурвалж: www.polit.mn