Ч.ЗОТОЛ NEXT STOP уламжлалт  наадам олон нийтийн санал асуулгаар нэр дэвшигчдээ тодруулж, шилдэг 66 хүнийг  олон нийтийн болон зохион байгуулагчдын саналаар шалгаруулжээ. “Бүтээгч улс төрч залуу” номинацийн  шилдгүүдийн жагсаалтад нэг ч Их хурлын гишүүн, сайд, дарга  алга. АН, МАН  гэхчлэн улс төрийн том намуудын гол хүмүүс ч бас алга, НАМЗХ,АЗХ-ны дарга нар нь ч сураггүй. Энэ нь хүмүүс бохир улс төрөөс, өнөөгийн урстөрчдөөс нүүр буруулж, ямар ч итгэл найдвар хүлээлгэхгүй болжээ гэдгийг харуулж байна. Харин нийгэмд эерэг нөлөө үзүүлдэг, хүчтэй дуу хоолой болж чадаж байгаа, мэдлэг боловсролтой, өөрсдийн хүчээр бий болгож бүтээж байгаа  шинэ үеийнхэн хүч түрэн орж ирж хүлээн зөвшөөрөгдөж байгаа нь анзаарагдаж байна. Улс төрийн салбар гэхээр  бид 76  гишүүн, намуудын асуудал, хэрүүл тэмцэл мэтээр ойлгодог болоод  уджээ. Гэтэл энэ салбар нь  ихээхэн өргөн ойлголт бөгөөд нийгмийн асуудал бүхэлдээ,  хүмүүнлэг, нөлөөллийн ажлууд ч багтдаг. Тиймээс энэ жилийн  наадмын “Бүтээгч  улстөрч”,  номи­нацид Харвардын сургуульд багшилж байгаа эрдэмтэн судлаачаас эхлээд  нийгэмд хүчтэй нөлөөтэй, томоохон ажлууд хийж байгаа ТББ –ынхан, нийтлэлч сэтгүүлчид, боловсролын салбарт манлайлагчид багтсан байна.  Харин”Бүтээгч биз­нес­мэн” номинацид өөрсдийн гараар хийж бүтээж, зорьж тэмүүлж яваа, баялаг бүтээгчид, шинийг санаачлагчид түлхүү оржээ. Энэ жилийн “NEXT STOP” наадамд хар жагсаалтад орсон болон ЖДҮ, “60 тэрбум хэрэг”-т нэр хол­бог­доогүй залуусыг нэр дэв­шүү­лэхийг зорьсон нь МАНАН-гийнханд хаалтай байсан бололтой.     Энэ ч утгаараа сонгодог ардчилсан нийгмийн хөгжлийн үе, ирээдүйн их бүтээн байгуулалтын 26 жилд бүтээгч үйлсийн эзэд байж, ачааны хүндийг үүрч, бусдыгаа түчээлэн явах эрхмүүд энэ наадмаас тодрох нээ. Эх сурвалж: “Зууны мэдээ” сонин