Ч.Зотол Монголын улс төрд үүсээд буй нөхцөл байдлыг Иргэний Зориг Ногоон намын дарга  Ц.Ганхуяг  “Шударга ёсны төлөө хувьсгалын цууриа дэгдлээ” хэмээн  тэмдэглэжээ. Тэрээр ИЗНН-ын шинэ жилийн баярыг нээж хэлсэн үгэндээ  “Монголчууд энэ удаагийн шинэ жилээ сайн цагийг ойртуулсан сайхан жил гараасай гэж хүсч, мөрөөдсөн итгэл сэтгэлээр дүүрэн тэмдэглэж, шударга ёсны төлөө хундага тулгаж байна. Иргэний Зориг Ногоон намынхны хувьд байгуулагдсан цагаасаа зорьж, хүсч ирсэн тэр САЙН ЦАГ хаяанд иржээ. Шударга ёсыг хүсэмжилсэн нийгмийн түрхрээн бидэнд ийм итгэл өгч байна. Өнөөдрийг хүрсэн бидний зам тийм ч сайхан дардан байгаагүй. Болохоос болохгүй хүртэл нь нөхөрлөж, тэсвэр тэвчээр шаардсан он жилүүдийг үджээ.Бидний өмнө олон сорилт тулгарч байсан ч бид давж чадсан, нягтарч чадсан. Зорилгынхоо төлөө, үзэл санааныхаа төлөө, Зориг агсаныхаа шударга үйлсийг мөнхлөхийн төлөө өөрсдийгөө хатуужуулан тэмцсэний үр дүнд түмэн олныхоо ШУДАРГА ЁС-ны хувьсгалын цуурай хангинах чимээг илхэнээ сонсож, мэдэрч байна. Эх орныхоо сайн сайхны төлөө Монгол даяар хувьсгалын оч асчээ. Энэ бол Та бидний ЯЛАЛТ, сэтгэлийн аугаа их таашаал юм. Бид бие биенээ улам дэмжин, нягтарч энэ сайхан үйлсэд манлайлан оролцох болно. Ирж байгаа гахай жил  Монгол зон олныг минь олон жил туйлдуулж, зовоосон харгис муу бүхнийг хүчит соёогоороо хадран хөөж, ЗӨВ-ийг нутагшуулах их үйлсийн гарааны эхлэл авчрах болтугай. Мөнх хөх тэнгэртээ ивээгдсэн сайхан жилүүд үргэлжлэх болтугай” гэсэн байна.   Эх сурвалж: polit.mn