Т.САЙХАН МАН-ын гуравдугаар бага хурал өчигдөр боллоо.  Эрх мэдэл, ширээ сандлынхаа хэрүүлийг л хийгээд дуусах шиг болсон.  Эрх баригч нам дотооддоо учраа олж, төрийн гацаа арилж, урагш явах учиртай.  Гэсэн ч  тэдний хэрүүл дуусахаасаа  өнгөрч 2020 оны сонгууль, 2021 онд болох 100 жилийн ойтойгоо золгох нь ээ.  Намын хэрүүл  гурван хүнийг л буруутган, дайрч тэдний эрх мэдэл албан тушаалыг авах  зохион байгуулалттай болсон.  Ер нь тэднийг буланд шахаж эхэлсэн нь илт байв. Бага хурлыг гол сэдэв нь   УИХ-ын дарга М.Энхболдод хариуцлага тооцох  байв.   Парламентын спикерийг өөрийн хүсэлтээр ажлыг нь өгүүлэх тогтоолыг төслийг хүртэл баталлаа.   Ер нь өчигдрийн бага хурал дээр  үг хэлсэн жирийн гишүүд бүхэн МАН-ын дарга асан  руугаа дайралт хийж , 60 тэрбумын асуудлыг ярьсан гэхэд болно.  УИХ-ын даргын хувьд “Албан тушаалаасаа огцрохгүй гэдгээ мэдэгдэж, түүний талын 27 гишүүн бага хурлыг орхин  гарсан байна. Өчигдөр бага хурлын үеэр намын удирдах зөвлөл хуралдах нөхцөл байдал үүссэн.  Удирдах зөвлөлөөс хоёр ч гишүүн хасах шийдвэр гарсны нэг нь Су.Батболд.  Түүнийг намын дарга нь хотын даргаас огцруулсан.  Харин  өчигдөр намын удирдах зөвлөлөөс хасах шийдвэр гаргаж, түүний оронд НИТХ-ын дарга С.Амарсайханыг Удирдах зөвлөлд оруулжээ. МАН-ын УИХ дахь бүлгийн дарга асан Д.Хаянхярвааг мөн намын удирдах зөвлөлөөс хассан шийдвэр гаргасан байна.  Түүний оронд УИХ-ын гишүүн Д.Сумъяабазар удирдах зөвлөлд багтсан байна.   Д.Хаянхярваа МАН-ын дарга У.Хүрэлсүх бүлгийн даргаас огцруулах шийдвэр гаргаж, намын бүлгээс огцруулсан билээ. Эх сурвалж:www.polit.mn