С.САРУУЛ МАН-ын III Бага хурал өнөөдөр /2018.12.19/ 11.00 цагт товлогдсон ч цаг гаруй хоцорч эхэллээ. Хурлаар намын дарга У.Хүрэлсүх болон Хяналтын ерөнхий хорооны мэдээллийг сонсч Удирдах зөвлөл болон Бага хурлын зарим гишүүдийг чөлөөлөх, нөхөн томилох асуудлыг хэлэлцэх мэдээлэл байгаа юм. Үүнтэй холбоотойгоор 5-7 гишүүнийг хөөх талаар хэвлэлүүд мэдээлж байна. 369 төлөөлөгчтэй Бага хурал 66.7 хувийн ирцтэйгээр эхэллээ. Энэ удаагийн Бага хурал урд өмнөхөөс илүүтэй хэвлэлийнхэнд хаалттай, мандат олгоогүй. Дотогш нэвтрүүлэх нь битгий хэл намын байрны хаалга нь хэд хэдэн давхараараа цоожтой байгаа нь шүүмжлэлд өртөөд буй. Тэгвэл энэ байдлыг намын гишүүд ч шүүмжилж байна. Тухайлбал, УИХ-ын гишүүн Ж.Бат-Эрдэнэ “Намын бага хурал эхлэх гэж байна. Урьд өмнө болж байгаагүй үүд хаалга түгжээтэй дараатай. Эрүүл байя гэвэл нээлттэй л байх хэрэгтэй” гэлээ. Эх сурвалж: www.polit.mn