С.САРУУЛ МАН-ын Удирдах зөвлөл хуралдаж байгаатай холбогдуулан УИХ-ын гишүүн Л.Энх-Амгалан, С.Бямбацогт нар мэдээлэл хийлээ. УИХ-ын гишүүн Л.Энх-Амгалан “УИХ-ын 27 гишүүн Засгийн газрыг огцруулах шаардлага хүргүүлсэн. Үүнтэй холбоотойгоор МАН-ын Удирдах зөвлөл өнөөдөр 10:00 цагаас хуралдах зар ирсэн. МАН-ын УЗ 29 гишүүнтэй. Нэр бүхий 10 гишүүн Удирдах зөвлөлд шаардлага хүргүүлээд байна. Уг шаардлагад МАН-ын УЗ-ийн дарга, МАН-ын Ерөнхий нарийн бичгийн дарга Д.Амарбаясгалан, МАН-ын нарийн бичгийн дарга Ц.Бат-Энх, УЗ-ийн гишүүн М.Оюунчимэг, Я.Содбаатар, Г.Солтан, Ж.Энхбаяр нарын гишүүд ЖДҮХС-гаас зээл авсан гэдэг нь тогтоогдсон. Эд хууль бусаар, албан тушаалаа урвуулан ашиглаж зээл авсан. ЖДҮХС-тай холбогдсон гишүүд намын УЗ-ийн хуралд оролцох ёс суртахууны болон саналын эрхгүй гэсэн шаардлагыг хүргүүлж байгаа юм. Энэ шаардлагыг хангасан нөхцөлд бид УЗ-ийн хуралд оролцоно.  УЗ-ийн дарга тэргүүтэй зургаан гишүүн ЖДҮХС-гийн зээлийн асуудалд холбогдсон.MCS миний хамаарал бүхий компани биш. Би маш бага хувьцаа эзэмшдэг. MCS компани Хөгжлийн банкнаас нэг ч  төгрөгийн зээл аваагүй. Өмнөх УИХ-ын үед Хөгжлийн банкийг би ахалж шалгасан. 2016 онд бүрэн эрхээсээ өөрийн хүсэлтээр татгазаж хууль хяналтын байгууллагад шалгуулахад бэлэн байна гэдгээ мэдэгдэж байсан” гэлээ. Харин УИХ-ынм гишүүн С.Бямбацогт “Намайг Хөгжлийн банкнаас зээл авсан гэдэг. Энэ бол өмнөх Их хурлын үед гарч байсан асуудал. Монгол Улсыг хөгжүүлэх хөрөнгө оруулалт, дэд бүтцийн ажлуудыг хийж хэрэгжүүлэхэд тодорхой ажлуудыг Засгийн газартай байгуулсан гэрээний дагуу хийсэн ажлынхаа санхүүжилтийг авсан. Тухайлбал, Улааанбаатар хотын эрчим хүчний хангамжийг сайжруулахад зориулсан томоохон төслүүд байсан. Эдгээрт оролцоод хийсэн ажлынхаа төлбөрийг авсан. Бусдаар нэг төгрөгийн зээл авсан асуудал байхгүй. 2013 онд Н.Алтанхуягийн Засгийн газар 247 концессийн төсөл арга хэмжээний жагсаалтыг баталсан. Олон концессийн гэрээ байдгаас Ж.Эрдэнэбатын Засгийн газрыг унагаахын тулд С.Бямбацогтын, Н.Номтойбаярын, Ж.Мөнхбатын хийснийг онцлоод байна” гэлээ. Эх сурвалж: www.polit.mn