Т.САЙХАН Засгийн газрын Хэрэг эрхлэх газар болон Сангийн яамны албан хаагчид Завхан аймгаас Архангай аймаг хүрэх замдаа Солонготын даваа орчимд осолджээ. Төрийн албан хаагчдын шалгалтаар орон нутагт явж байсан дөрвөн ажилчин явсан байна. Осол болох үед машинд нэг эмэгтэй, гурван эрэгтэй байсан бөгөөд тэднийг эмнэлэгт хүргэжээ. Одоогоор эмэгтэй ухаан ороогүй байгаа хэмээн албаныхан мэдээлэв. Энэ талаар ЗГХЭГ-ын дарга Г.Занданшатар “ГССҮТ-ийн гурван эмч, хоёр сувилагч, ар гэрийн хоёр хүн, Зэвсэгт хүчний 303 дугаар ангийн нисэх багийн дөрвөн хүн ОБЕГ-ын хоёр албан хаагч нийт 13 хүний бүрэлдэхүүнтэй шуурхай бүлэг нисдэг тэргээр өнөөдөр өглөө 08 цаг 42 минутанд Улаанбаатар хотоос хөөрсөн. Нисдэг тэрэг гурван цаг орчим нисээд Завхан аймгийн Тосонцэнгэл суманд очсон. Эмч нарын баг осолд орсон хүмүүст үзлэг шалгалтын ажлыг хийж байгаа бөгөөд нийслэл рүү нисэх бэлтгэлээ ханган ажиллаж байна. Одоогийн байдлаар хүнд, хүндэвтэр гэсэн оноштойгоор гурван хүн эмчлүүлж байна” гэлээ. Шалгалтын ажлаар Завхан аймгаас Архангай аймгийн чиглэлд 00-79 УБЗ улсын дугаартай “Ланд круйзер-200 маркийн автомашинаар зорчиж авсан Засгийн газрын хэрэг эрхлэх газрын референт Д.Ганбатын ахалсан ажлын хэсэгт Сангийн яамнаас мэргэжилтэн Б.Цолмонтуяа, Сангийн яамнаас мэргэжилтэн Б.Жамсрансүрэн, Засгийн газрын авто баазын жолооч Д.Батмөнх нар хамт явж байжээ. Эх сурвалж:www.polit.mn