Т.САЙХАН УИХ-ын гишүүн Н.Номтойбаяр тэргүүтэй гишүүд ЖДҮХС-гаас зээл авсан гишүүдтэй холбоотой асуудлыг шалгах ажлын хэсэг байгуулжээ.  Энэ асуудлаар өнөөдөр /11.21/ Төрийн ордонд мэдээлэл хийв.  Энэ үеэр сэтгүүлч “Та  концессын асуудалд  холбогддог.  Ирэх оны төсөв ч энэ асуудал тусгагдсан байгаа” гэтэл нэлээд эгдүүцэж, “Та нар концесс гэдгийг юу вэ  гэдгийг мэдэх үү. 2010 оны долдугаар сард болсон асуудал. Намайг Төрийн ордонд битгий хэл МАН-д, Монголд байхгүй байхад шийдэгдсэн асуудал. Төр мөнгөгүй байсан. Тухайн холбогдох компанид хүсэлт тавиад өөрсдөө мөнгөө гаргасан байдаг юм. Хуулийн дагуу эргээд төлбөрөө авч байгаа. Үүнийг Төсвийн тухай хуульд оруулсанд талархаж байна. Яагаад гэхээр анхнаасаа хууль бус гэж явж ирсэн хардалтыг байхгүй болгож байгаа юм. Тэгэхээр үүнд туйлын их талархалтай байгаа. Маш том бүтээн байгуулалтыг хийгээд явж байгаад баярлаж байгаа" гэлээ. Эх сурвалж:www.polit.mn