Д.ЧИМЭГ Нийслэлийн МАН-ын дарга Д.Сумъяабазар дүүргүүдийг хурлаа хийж, ажлаа эрчимжүүлэн шинэчлэлийн гараагаа эхлүүлэхийг үүрэг болгосон. Энэ дагуу дүүргүүд бага хурлаа хийж, МАН-ын хорооны дарга, гишүүдээ шинээр сонгож байгаа билээ. Чингэлтэй дүүргийн МАН-ын VII бага хурал Тусгаар тогтнолын ордонд болж байна. Энэ үеэр өнгөрсөн хугацаанд хийсэн ажлаа тайлагнаж, цаашид хэрэгжүүлэх намын бодлого, хөтөлбөрөө хэлэлцэж буй аж. Хуралд оролцогч гишүүд алдаа оноогоо шүүн ярилцаж хэрхэн үр бүтээлтэй ажиллах талаар санал солилцон хэлэлцүүлэг өрнүүлж байгааг зохион байгуулагчид хэллээ. Дүүргийн намын дарга, УИХ-ын гишүүн Д.Ганболд “Бид цаашид ард түмнийхээ хүлээлгэсэн итгэлийг алдахгүйн тулд амласан ажлуудаа үргэлжлүүлэн хийж хэрэгжүүлэх болно. Мэдээж бидэнд алдаа дутагдал байгаа. Олгой хагаравч тогоондоо гэдэг учраас бид асуудлаа дотроо ярилцаад, цаашид засч залруулаад явах болно” гэв. Хурал үргэлжилж байгаа бөгөөд нийт 157 төлөөлөгч оролцож байгаагаас 89 хүнийг дүүргийн намын гишүүнээр, есөн хүнийг хяналтын хорооны гишүүнээр сонгох ажээ. Эх сурвалж: www.polit.mn