
Т.САЙХАН
УИХ-ын Хууль зүйн байнгын хорооны өнөөдрийн /10.02/ хуралдаанаар нөхөн сонгуультай холбоотой Үндсэн хуулийн цэцийн дүгнэлтийг хэлэлцэв. Байнгын хорооны гишүүдийн дийлэнх нь Үндсэн хуулийн цэцийн дүгнэлтийг хүлээж авсангүй. Хуралдааны үеэр УИХ-ын гишүүн Б.Пүрэвдорж, Хууль зүйн сайд Ц.Нямдорж нар нэлээд маргалдлаа.
УИХ-ын гишүүн Б.Пүрэвдорж: -Нөхөн сонгуультай холбоотой асуудал хууль зөрчсөн гэж Үндсэн хуулийн цэц үзсэн. Энэ бол Ардын намын хийж байгаа ажил. Ардын намынхан нөхөн сонгуулиар ялагдана гэхээс айсандаа цэцээр ийм шийдвэр гаргуулсан.
Хууль зүй дотоод хэргийн сайд Ц.Нямдорж: - Б.Пүрэвдорж чи хэн болоод, юу болоод ийм юм яриад байгаа юм. Цадигтай бай, баримттай ярь. Б.Пүрэвдорж оо чам шиг юмыг би 300, 400-аар нь үзсэн. Би чамд хоёр дахь удаагаа хэлж байна. Чи хэн болоод УИХ-д орж ирээд бүхнийг мэдээд, бүхнийг шүүмжлээд байгаа юм. Цэцийн гишүүдийг Ардын нам томилсон юм уу. Хамгийн сүүлийн гурван хүнийг хэн оруулж ирлээ. Та нар дэмжээд явсан биз дээ.
Эх сурвалж:www.polit.mn