С.САРУУЛ УИХ-ын гишүүд, сайд дарга нар жирийн иргэдэд очих ёстой байсан ЖДҮ-ийн дэмжих сангаас хөнгөлөлттэй зээл авсан дуулиан дэгдэж байна. Тэдний дунд Зам тээвэр, хөгжлийн яамны сайд Я.Содбаатар нь өөрийн эзэмшлийн “Эпато анарваан” ХХК нь 1.2 тэрбум, ХХААХҮ-ийн сайд Б.Батзориг нь эхнэр Л.Отгонжаргалын “Тээвэр ачлал” ХХК нь 1.4 тэрбум, УИХ-ын гишүүн Х.Болорчулуун  “Дорнод гурил” ХХК-д 950 сая төгрөг, гишүүн Г.Солтан  “Монгол Шаазан” ХХК-д 950 сая төгрөгийн зээл авсан мэдээлэл ил болсон. Тэгвэл УИХ-ын  гишүүн Ж.Энхбаярын “Газар буудай” ХХК, Н.Учралын аавын “Хүннү” ХХК, Барилга хот байгуулалтын дэд сайд Ш.Лхамсүрэнгийн “Нүүдэлчин агро фирм” ХХК жижиг, дунд үйлдвэрлэлийг хөгжүүлэх сангаас  хөнгөлөлттэй зээл авсныг өнгөрсөн баасан гаригт сөрөг хүчин мэдээлсэн. Тэгвэл дээрх асуудалтай УИХ-ын гишүүн Ц.Оюунгэрэл байр сууриа илэрхийлснийг манай сайтын “Сошиалын булан” онцолж байна. Тэрээр “ЖДҮ-ийн зээлийг улс төрчид ард түмэндээ амсуулах ч үгүй хувааж идсэнийг МАНАН гэхгүй юм бол өөр юуг МАНАН гэх юм бэ. Үүний талаар иргэдийн тэмцэлд УИХ-ын гишүүн байсан, байгаа хүмүүсийг оруулахгүйгээр шалгаад үз” гэжээ. Эх сурвалж: www.polit.mn