С.САРУУЛ Цагдаагийн байгууллагаас хүүхдүүдийг цахим гэмт хэргээс хамгаалах, урьдчилан сэргийлэхийн тулд улс даяар танихгүй, нэр, зураг нь тодорхойгүй найзуудаа Unfriend хийх хөдөлгөөн эхлүүлээд байгаа юм. Хөдөлгөөн улс даяар өрнөж байгаа бол  Ерөнхийлөгч Х.Баттулга танихгүй найзуудаа Unfriend хийхээр болжээ. Тэрээр нийгмийн сүлжээний хэрэглэгчдэд эрх зүйн болон интернэт хэрэглээний мэдлэг олгох, хариуцлагатай хэрэглээг бий болгох, учирч болох эрсдэлээс урьдчилан сэргийлэх зорилгоор Цагдаагийн ерөнхий газраас санаачлан зохион байгуулж буй нэг сарын аяныг дэмжиж буйгаа илэрхийлж, зургаа авахуулжээ. Мөн Ерөнхийлөгч Х.Баттулга эцэг эхчүүдэд Хүүхэд хамгааллын тухай хуулийн дараах заалтуудыг сануулж, цахим орчин дахь болзошгүй халдлагаас өөрийгөө болон гэр бүлээ хамгаалах, хүүхдийнхээ нийгмийн сүлжээний хэрэглээнд хяналт тавих, нийгмийн сүлжээний зохистой хэрэглээг хэвшүүлэх, цахим гэмт хэргээс хамтдаа сэргийлэхэд уриалав. Эх сурвалж: www.polit.mn