Л.ХЭРЛЭН Сүхбаатар аймагт ирэх сарын 7-нд болох ИТХ-ын нөхөн сонгуулийг угтан МАН-ынхан хөдөлгөөнд орж эхэлжээ. Учир нь тус аймгийн ИТХ 33 суудалтайгаас АН 16, МАН 16 суудалтай. Одоо болох нөхөн сонгуулиар хэн нь олонх болохоо шийдэх юм. Энэ асуудлаар тус намын дарга нар өнгөрсөн шөнө хуралдаж, Барилга, хот байгуулалтын дэд сайд асан Ш.Лхамсүрэнг аймгийн Ардын намын даргаар томилжээ. Түүний хувьд Морин спорт, уяачдын холбооны дэд тэргүүний албыг хашдаг, УИХ-ын дарга М.Энхболдын ойрын хүн гэлцдэг. Мөн уул уурхайн салбарт хувийн компанитай, Тавантолгойд нөлөө бүхий гэсэн мэдээллүүд дуулддаг. Өдгөө Сүхбаатар аймаг дахь МАН-ын дарга болсноор нөхөн сонгуульд намаа удирдаж орох, цаашлаад  нэр дэвших хувилбар ч яригдаж мэдэх юм. Уг нь 2016 оны орон нутгийн сонгуулиар  сүхбаатарчууд  АН-д итгэл хүлээлгэж олонх болгосон. Гэтэл Ардын нам УИХ-д 65 суудал авч, төрийн эрх барьж байгаадаа дулдуйдан иргэдийн сонголтыг үл хүндэтгэн хууль зөрчин Засаг даргыг томилж, ИТХ-д өөрийн намыг олонх болгож байв. Үүнээс үүдэн өнгөрсөн хоёр жил тус аймгийнхан засаглалын зөрчилтэй явж ирсэн. Дээр нь хоёр ч Засаг даргын нүүр үзэж, хариуцлагагүй уул уурхай газар авснаар Эрдэнэцагаан, Сүхбаатар суманд иргэд нь жагсаал, тэмцэл хийж эхлээд байгаа юм. Эх сурвалж: www.polit.mn