Засгийн газар нууц тохироо хийсэн үү?

Нүүр

Залуус-Улс төр

Засгийн газар нууц тохироо хийсэн үү?

2018-08-28

Нийтэлсэн: Админ

1 мин

ХУВААЛЦАХ

ЖИРГЭХ

Ч.Зотол Ерөнхий сайд амаргүй асуултад заавал хариулах хэрэгтэй боллоо. Энэ бол Ж.Батзандан гишүүнээс түүнд тавьсан Турк Улсын иргэн Вэйсел Акчайг манай улсын нутаг дэвсгэр дээрээс хулгайлахыг завдсан тухай юм. Завдсан гэдэг нь таслан зогсоосон л болохоос хууль бус оролдлого гарсан гэсэн үг. Хамгийн гол нь энэ ажиллагаанд Монгол Улсын тусгай албад оролцсон гэх мэдээлэл гараад байгаа юм. Тэгвэл Ж.Батзандан гишүүн өөрийн бүрэн эрхийн дагуу Ерөнхий сайдад асуулга тавьсан нь дээрх эргэлзээ хардлагыг нэг мөр болгох юм. Ерөнхий сайдад хаягласан асуултад:

Иргэд, олон нийтийн дунд Монгол, Туркийн Засгийн газрын хооронд нууц тохироо хийсэн гэсэн хардлага байна. Хууль дээдлэх төрийн үйл ажиллагааны үндсэн зарчим алдагдсан, хувь хүний халдашгүй дархан байх эрх зөрчигдсөн эсэх талаар хариулт өгнө үү.
Монгол Улс нь Олон улсын хэм хэмжээг дээдлэн сахидаг эрх зүйт төртэй ардчилсан орон билээ. Хүний эрхийн түгээмэл тунхаглал болон Монгол Улсын Үндсэн хуулийг зөрчиж гаднын улс орны тусгай албадтай гэрээ хэлэлцээр хийх эрх Монгол Улсын Засгийн газарт байхгүй болно. Иймд Олон улсын гэрээ конвенци, Монгол Улсын хууль тогтоомжийг зөрчиж, энэ ажиллагаанд оролцсон байгууллага, албан тушаалтнуудад ямар хариуцлага тооцсон бэ гэдгийг онцолсон байна.

Мөн асуулгын хариуг Улсын Их Хурлын чуулганы нэгдсэн хуралдаанаар хэлэлцүүлэхийг хүсчээ. Эх сурвалж: www.polit.mn