П.Мандах Сүүлийн үед “60 тэрбум”-ын хэрэг тойрсон хэрүүл тасралтгүй үргэлжилж байна. Өдгөө хэргийг Нийслэлийн прокурорын газраас сэргээж, АТГ, ТЕГ, ЦЕГ-ын хамтран мөрдөн шалгаж эхэлсэн. УИХ-ын дарга М.Энхболд энэ ярианд оролцсондоо “Туйлын харамсаж байна” гэж мэдэгдлээ. УИХ-ын ээлжит бус чуулган хуралдахаар Хууль зүйн байнгын хорооны хурал зарлагдаад хоёр хонолоо. УИХ-ын гишүүн Х.Нямбаатар, Ж.Батзандан, Л.Оюун-Эрдэнэ, Ж.Энхбаяр, Л.Энхболд нар намуудын санхүүжилтийг ил тод болгохоор холбогдох хуульд өөрчлөлт оруулахаар ажиллаж байгаа юм байна. Ингэхээр 60 тэрбумын хэрэг шиг аргаар намын санхүүжилт босгодог байдал, бас авлига авч, албан тушаалаа ашигладаг явдалд цэг тавина гэж тэд үзжээ. Үүнээс гадна авлигаын хэргийн мэдээлэгчийн эрхийг хамгаалах талаар холбогдох хуульд өөрчлөлтийг оруулах шаардлагатай гэж тэд үзсэн байна. Ээн өөрчлөлтийн дараа авлигын хэргийн илрүүлэлт сайжирч, гаралт нь буурах гэнэ. Эрхэм гишүүд хуулийн төслүүдээ ээлжит бус чуулган дээр өргөн барих юм байна.   Эх сурвалж: polit.mn