С.САРУУЛ МАН-ын удирдлагын түвшинд төрийн албыг 60 тэрбумаар наймаалцах талаар ярилцсан гэх бичлэгтэй холбогдуулан  УИХ-ын гишүүн Л.Оюун-Эрдэнэ нэр холбогдсон хүмүүсийг хариуцлага хүлээхийг шаардаад  байгаа юм. Тэрээр 60 тэрбумын хэрэгтэй холбогдуулан  УИХ-ын даргаас хариулт ирсэн талаар мэдээлэл хийхдээ "Өчигдөр /2018.08.20/ 18:00 цагт УИХ-ын даргаас албан бичиг ирүүлсэн. Уг албан бичиг "Миний бие хэн нэгнийг албан тушаалд томилж, авлига авч байгаагүй. Гэхдээ 60 тэрбумын хэрэгт нэр холбогдсондоо харамсаж байгаа" гэсэн агуулгатай байна.  Энэ нь сүүлийн 20 гаруй жилийн хугацаанд төрийн гурван өндөрлөгийн нэг албан ёсоор харамсаж байгаагаа илэрхийлж, уучлалт гуйсан анхны тохиолдол боллоо. Мөн Улсын Их Хурлын дарга ээлжит бус чуулган хуралдуулах тухай саналаа Хууль зүйн байнгын хороонд хүргүүлснээ албан бичигт мэдэгдсэн байна. Ээлжит бус чуулганы асуудлыг энэ долоо хоногтоо багтаан Хууль зүйн байнгын хороогоор оруулах юм байна гэж би ойлгож байгаа. Хэсэг парламентын гишүүд зуны хоёр сарын хугацаанд нэг асуудал дээр төвлөрөөд ажиллахад хэрэгсэхгүй болоод хаагдсан байсан хэргийн талаар ийм шийдэлд хүрч чадлаа. Тэгэхээр цаашдаа бүх парламентын гишүүд нэгдээд ажиллавал ард иргэдийн хүсээд байгаа шударга ёсыг бий болгож чадна хэмээх итгэл үнэмшилтэй ажилласан. Ээлжит бус чуулган хуралдуулах тухай албан бичигт гарын үсэг зурсан 26 гишүүн өнөөдөр уулзана. Цаашид хэрхэн ажиллахаа ярилцана” гэлээ. Мөн тэрээр төрийн албыг наймаалцсан талаар харамсч буйгаа илэрхийлж байгаа нь М.Энхболд гэдэг хувь хүнээс гарахааргүй шийдвэр. Нэг талаас харамсч буйгаа илэрхийлж байгаа нь буруугаа хүлээн зөвшөөрч байгаа нэг хэлбэр юм гэдгийг тодотгов. Эх сурвалж: www.polit.mn