С.САРУУЛ УИХ-ын гишүүн Л.Оюун-Эрдэнэ МАН-ын төрийн албыг наймаалцсан гэх 60 тэрбумтай холбоотой асуудлыг сөхөөд байгаа юм. Тэрээр “Хаврын чуулганаас өмнө 60 тэрбумын асуудлыг шийдэж, цэг тавихгүй бол олон нийтийн дунд орж, нийт иргэд, ТББ-уудтай нийлж орон даяар тэмцэл эхлүүлнэ гэдгийг албан ёсоор мэдэгдэж байна. 60 тэрбумын хэрэгт холбогдсон УИХ-ын дарга М.Энхболд УИХ-ыг удирдах ёсзүйн эрхгүй гэж бодож байна.  Тиймээс сайн дураараа УИХ-ын даргын бүрэн эрхээсээ түдгэлзэж, 60 тэрбумын хэргээр прокурор, АТГ-ын нэгдсэн дүгнэлт гарсны дараа УИХ-ыг удирдах эрхтэй. Тэр болтол би УИХ-ын чуулганд оролцохгүй гэдгээ илэрхийлж байна” гэсэн байдаг. Мөн тэрээр 60 тэрбумтай холбоотой асуудлаар нийтийн сонсгол хийхээр УИХ-ын гишүүдийн гарын үсгийг цуглуулж байгаа юм. Тэгвэл өнөөдрийн байдлаар /2018.06.28/ УИХ-ын гишүүн Д. Тэрбишдагва 19 дахь хүн болж гарын үсэг зуржээ. Ингэснээр 60 тэрбумын гэх асуудлаар Нээлттэй сонсгол хийх боломжтой болж байгаа аж. Гарын үсэгтэй бичгийг өнөөдөр УИХ-ын даргад өргөн барих юм байна. Эх сурвалж: www.polit.mn