С.САРУУЛ Засгийн газрын өнөөдрийн /2018.05.23/ хуралдаанаар хэлэлцсэн "Төрийн өмчийг 2018-2020 онд хувьчлах үндсэн чиглэлийн талаар ЗГХЭГ-ын дарга Г.Занданшатар мэдээлэл өгөв. Тэрээр "Засгийн газар шуурхай арга хэмжээ авч гурван асуудлыг  шийдвэрлэлээ.  Төрийн өмчийг хувьчлах 2018-2020 оны үндсэн чиглэлийг баталж, УИХ-д өргөн барихаар боллоо. Ингэхдээ хувьчлалыг Хөрөнгийн биржээр олон нийтэд нээлттэй явуулах зарчмыг баримтална. Нээлттэй шударга өрсөлдөөний зарчмаар хувьчилна.  МИАТ, Хөрөнгийн бирж, Төрийн банкийг тодорхой хувийг хувьчилна. Цахилгаан станцуудыг хувьчлах асуудлыг хэсэг хугацаанд харж байж шийдвэрлэнэ. Мөн Тавантолгой-Зүүнбаян чиглэлийн төмөр замыг барьж, ашиглах концессийн гэрээ байгуулах шийдлийг гаргаж, Улсын хөрөнгө оруулалтын хөтөлбөрийг баталлаа. Техник эдийн засгийн үндэслэл хийгдсэн томоохон хөрөнгө оруулалтаа дунд хугацаанд төлөвлөсөн. Төмөр замын асуудал гацаатай хэвээр байна. Тавантолгой-Зүүнбаян холбох концессийг ТЭЗҮ-тэй компани шууд хийх боломжтой. Төмөр замууд баригдаж байна” гэлээ. Эх сурвалж: www.polit.mn