С.САРУУЛ УИХ гишүүн Ж.Батзандан АТГ-т очиж мэдүүлэг өглөө. Тэрээр “2017 оны арванхоёрдугаар сарын 10-нд УИХ-ын 40 гаруй гишүүн санаачлан Тагнуулын Ерөнхий Газрын дарга асан Б.Хурцтай холбоотой  10 гаруй өргөдлийн талаар иргэдийг сонсох нээлттэй хэлэлцүүлэг хийсэн. Тэр дунд С.Зоригийн хэргээр хоригдож байгаа Т.Чимгээ, А.Содномдаржаа нарын гэр бүлийн өргөдөл байсан. Гэтэл өнөөдөр Ерөнхий Прокурор М.Энх-Амгалан нараас ирсэн бичгийн дагуу Б.Хурц, Эрдэнэтийн 49, С.Зоригийн хэрэгтэй холбоотой асуудал ярьж байгаа гишүүдэд эрүүгийн хэрэг үүсгэх талаар ярьж эхэллээ. Б.Хурцын гомдлын дагуу надаас гэрчийн мэдүүлэг авч, Төрийн ордон  дотор нээлттэй хэлэлцүүлэг хийснийг буруутгаж байна.  УИХ гишүүн ард түмнийхээ эрх ашгийг хамгаалах гэж сонгогддог учраас тэдний өмнө бөхийж болохгүй. Цаашид юу болохыг харъя. Эдгээр асуудалтай холбоотой нээлттэй сонсгол хийвэл эрүүгийн хэрэг үүсгэнэ шүү гэж анхааруулга өгч байна гэж ойлголоо” гэж мэдэгдлээ. Эх сурвалж: www.polit.mn