С.САРУУЛ АТГ-аас зарим томоохон албан тушаалтантай холбоотой хэргийг шүүхэд шилжүүлэх саналтайгаар прокурорын байгууллагад шилжүүлснийг мэдээлэв. Тухайлбал, -УИХ-ын гишүүнээр ажиллаж байхдаа өөрийн хамаарал бүхий компаниар зураг төсөлгүй барилга бариулж онц их хэмжээний мөнгө завшсан гэх Д.Арвин нарт холбогдох. - Биеийн тамир, спортын хөгжлийн төвийн даргаар ажиллаж байсан Д.Жаргалсайхан, ерөнхий ня-бо Б.Туяа нарт холбогдох улсын төсөвт онц их хэмжээний хохирол учруулсан -Барилга, хот байгуулалтын яамны Төрийн нарийн бичгийн дарга асан Р.Эрдэнэбүрэн нарт холбогдох 1.2 тэрбум төгрөгийн орон сууц авч үндэслэлгүйгээр хөрөнгөжсөн - Нийслэлийн тээврийн газрын дарга Д.Отгонбаатар улсад  хоёр  тэрбум төгрөгийн хохирол учруулсан - "Өсвөр үе хүнс" орон нутгийн өмчит аж ахуйн тооцоот үйлдвэрийн газрын дарга Б.Наранчулуун, ерөнхий ня-бо Н.Ариунболд, менежер Б.Хулан, түгээлтийн нярав Т.Энхтуяа нар нь албан тушаалын байдлаа ашиглан 290 сая төгрөгийн хохирол учруулсан - “Самсунг Си Энд Ти” ХХК-ийн гүйцэтгэх захирал БНСУ-ын иргэн Лий Жонг Ёл нарт   холбогдох улсад 17.3 тэрбум төгрөгийн хохирол учруулсан Зүүнбүрэн сумын газрын даамал Ч.Бат-Эрдэнэ нь бусдаас газрын төлбөр нэрийдлээр албаны эрх мэдлээ урвуулан ашиглан өөртөө давуу байдал бий болгон мөнгө завшсан зэрэг нийт 26 холбогдогчтой 24.4 тэрбум төгрөгийн хохиролтой 21 эрүүгийн хэргийг шүүхэд шилжүүлэх саналтай прокурорын байгууллагад шилжүүлсэн байна. Дээр дурьдсан хэргүүд хамгийн багадаа 60 тэрбум төгрөгийн хохирлыг учруулаад байгаа юм. Түүнчлэн УИХ-ын гишүүн асан, Биеийн тамир, спортын газрын даргаар ажиллаж байсан Д.Жаргалсайхан нарын хохирлын дүн тодорхойгүй онц хэмжээний ангилалд оржээ. Эх сурвалж: www.polit.mn