Сүрхий иртэй, бяртай, хурц шийдэмгийгээрээ гайхуулан байж намаа хоёр хуваан гарч ирсэн У.Хүрэлсүх сайдын 100 хоног гялайж гялтайх зүйлгүй өнгөрлөө. Уг нь 100 хоног гэдэг уулыг нурааж, усыг эргүүлж дөнгөх хугацаа. Гэвч татвар нэмсэнээс өөр зүйл үндсэндээ хийсэнгүй. Бүр ярих юм бол долоон төрлийн татвар нэмэх шийдвэр бол У.Хүрэлсүхийн биш Ж.Эрдэнэбатын Засгийн газрын үед гаргасан шийдвэр. Үүнийх нь төлөө У.Хүрэлсүх тэргүүтнүүд түүнийг баалсаар огцруулж, өөрөө Ерөнхий сайд болсон. Муу ажилласан гэдэг шалтгаанаар журмын нөхрөө огцруулахад Тавар нэмсэн асуудал нэг шалтаг нь болсон. Зүй нь муу ажилласан Ерөнхий сайдын муу шийдвэрүүдийг дараагийн Ерөнхий сайд нь үргэлжлүүлэх ёсгүй баймаар. Харин У.Хүрэлсүх үргэлжлүүлж байна. 800 тэрбумын өртөгтэй долоон төрлийн концесс хувааж идсэн Ж.Эрдэнэбат тэргүүтэй долоон сайд шоронд орох ялтай гэх нь халаг байсан хүн өнөөдөр Долоон концессыг хэрхэхээ танилцуулалгүй таг чиг болжээ. Маск зүүж бэлдсэн айлаар орох, сургууль, цэцэрлэгт агааржуулагч авч өгөх мэтийн хөнгөхөн гал унтраах арга хэрэгсэл Онцгой байдлын сайдын зиндааны хүний л хийх ажил. Ерөнхий сайд хүн бол асуудлыг том зургаар харж, бодлого боловсруулж байх ёстой. Түүнд энэ чадвар яалт ч үгүй дутаж байна. Нам дотроо ч дэмжлэг муутай байгаа нь анзаарагдаж байна. МАН УИХ-д үнэмлэхүй олонхи боловч Ерөнхий сайдын суудлаас болж хоёр хуваагдаж 33, 32-ын бүлэг болсон. Тэгэхээр үнэн хэрэгтээ У.Хүрэлсүх бүтэн биш хагас намын л дарга юм. Үүн дээр Ерөнхий сайд нь парламентын гаднаас тавигдсан учраас бүлэгтээ нэр, нөлөө муутай. Дээр нь 2016 онд амласан бүхнийхээ эсрэг ажиллаж байгаа учраас ард түмний ам муу. Ардын намын гишүүд бол эрх мэдлийн төлөө намаа хагалж, 70 жилийн түүхтэй намынх нь нэр хүндийг шалтай паралель хавтгайд аваачсанд нь хорсч байгаа. Хэн ч биш байсан түүнийг хэтэрхий өндөрт аваачсанд Н.Багабанди, Д.Дэмбэрэл, С.Баяр нар битүүхэн дургүй яваа нь нууц биш. Учир нь, тэр намынхаа лидерүүдийн, гишүүдийн, бүр нам нэгт дайснуудынхаа хүлээлтэд хүрч ажиллаж чадсангүй. Естой Хүрэл сүх л юм даа. Хүнийг оргүй гүтгэж бас болохгүй. У.Хүрэлсүх Ерөнхий сайд болоод шатахууны үнийг нэмсэнийг хэлэх ёстой. Үүнийг бол Монгол хүн бүр мэдэх байх. Эх сурвалж: http://ban.mn