С.САРУУЛ Ерөнхийлөгч өнгөрсөн баасан гаригт /2018.01.05/ чуулганы хуралдаанд оролцож агаарын бохирдолтой холбогдуулан үг хэлэхдээ “Утаанаас өөр гай гамшиг алга. Үүнийгээ л шийдэх хэрэгтэй. Намайг 2004 онд анх УИХ-ын гишүүн болоход энэ тухай ярьж л байсан. Өнөөдөр 2018 онд бид утааны асуудлаа яриад л сууж байна. Гэрэл гэгээтэй юм үнэхээр алга. Ийм байдлаар явах юм бол УИХ-ыг тараах тал дээр санаачилгатай ажиллахаас өөр арга алга. Хариуцлага тооцдог байх ёстой. Энэ утааг ажилгүйдэл, ядууралтай нь хамт тэгэлнэ, өөр арга байхгүй. Бөхөөр бол дагуулж тонгорох гэдэг мэх байдаг, утааг дагуулж тонгоруулж шийдье. Их сургуулиудаа, дотуур байраа, оюутнуудаа хотоос гаргая аа. Зарим яамдыг гаргая, Засаг захиргааны нэгжүүдээ гаргая, зарим урлаг, соёлын байгууллага, музей, бусад газруудаа гаргая. Ингээд шийдчих юм бол хөдөлгөөн хийгдэнэ. Хөдөлгөөн хийгдээд эхлэнгүүт хөдөөгийн нүүдэл эрс, огцом ихэснэ. Тэгэнгүүт хөдөөг орлогожуулах ажил руугаа оръё. Ахуйг нь өөрчилье. Сумдаа шинэчилье. Би Баянхонгор аймгийн хоёр сумыг шинээр барьсан. Ахуй өөрчлөгдөөд ирэнгүүт залуучууд тогтох нөхцөл бүрдэнэ. Тэгэнгүүт орлого дээр нь анхааръя гэж байгаа юм. Ингээд шийдчих ёстой” гэлээ. Эх сурвалж: www.polit.mn