С.САРУУЛ Энэ онд төрийн өндөрлөгүүд хаашаа айлчилж, ямар ажил амжуулах нь олны анхаарлын төвд байна. Тэгвэл Ерөнхийлөгч Х.Баттулгын албан ёсны анхны айлчлалыг Энэтхэг улс байх магадлалтайг зарим хэвлэл онцолжээ. Үүнийгээ Ерөнхийлөгчид төрийн тэргүүн болсных нь дараа Бүгд найрамдах Энэтхэг улсын Ерөнхий сайд өөрийн улсдаа айлчлах захидал илгээсэнтэй холбон тайлбарлаж буй юм.  Харин Ерөнхий сайдын хувьд  энэ онд БНХАУ-д айлчлахаар төлөвлөж буйгаа чуулганы хуралдааны үеэр хэлж байсан юм. Тэгвэл төрийн тэргүүний айлчлалын талаар эдийн засагчид янз бүрийн дүгнэлт хийж санаа оноо хэлж байна. Тухайлбал, эдийн засагч Л.Наранбаатар “Ерөнхийлөгч анхны албан айлчлалаа Энэтхэгээс эхлэх бололтой. Энэ нь гадаад бодлогын алдаа байх болно. Эхлээд БНХАУ-д айлчилж, нүүрсний ДИПЛОМАТ ХОРИГ-оос гарах нь чухал. Энэтхэгээс авах тэрбум.$-ын зээлд БНХАУ таагүй хандаж байсныг сануулах нь илүүц биз” хэмээн байр сууриа илэрхийлснийг “Сошиалын сонин” буландаа онцолж байна. Эх сурвалж: www.polit.mn