Т.САЙХАН УИХ дахь Ардчилсан намын бүлэг өнөөдрийн /10.17/ хуралдаанаараа Засгийн газрын бүрэлдэхүүний тухай хэлэлцээд “Давхар дээлтэй сайд нарыг дэмжих боломжгүй” гэдгээ илэрхийллээ.  Мөн Ерөнхийлөгчөөс ирүүлсэн зөвшөлцлийн хариутай санал нэг байгаагаа илэрхийлжээ. Ерөнхийлөгчийн зүгээс Сангийн сайдад дэвшээд байгаа Ч.Хүрэлбаатарыг дэмжих боломжгүй хэмээн үзсэн юм. Хурлын үеэр сэтгүүлчид  Уул уурхай  хүнд үйлдвэрийн сайдаар  дэвшиж буй Д.Сумьяабазар банктай. Гэтэл яагаад ганцхан Ч.Хүрэлбаатар гишүүнийг тодотгож байгаа талаар асуухад  УИХ-ын гишүүн Ж.Батзандан Уул уурхайн бизнест тодорхой ашиг сонирхолын зөрчилтэй хүн Засгийн газрын гишүүнээр ажиллаж болохгүй. Ч.Хүрэлбаатартай холбоотой олон асуудал яригддаг. Оюутолгойн валютын урсгалыг Монголын банкаар дамжуулъя гэдэг шийдвэрийг УИХ гаргасан. Гэтэл нэр дэвшигчтэй холбоотой бүлэглэл Оюутолгойн мөнгийг Монголын банкаар дамжуулахыг цуцлуулсан. Авлигатай тэмцэх газар сайдад нэр дэвшигчдийн асуудлаар ашиг сонирхлын зөрчлийн талаар бичгээ явуулсан. Д.Сумъяабазар гэдэг хүнд банк байдаг гэсэн мэдээлэл хараахан ирээгүй байна. Энэ асуудлыг манай намын бүлэг судална” гэв. Эх сурвалж:www.polit.mn