С.САРУУЛ УИХ-ын чуулганы нэгдсэн чуулганаар Ерөнхий сайдад нэр дэвшигч У.Хүрэлсүхийг батламжлах асуудлыг хэлэлцэж байна. Гишүүд асуулт асууж, хариулт авч байна. О.Баасанхүү: Нэр төртэй албыг нэр төртэй хашаасай гэж хүсч байна. Эмч багш нарын цалинг нэмэхгүй гэж та байнгын хороон дээр хэлсэн.  Би бол нэмэх боломж байгаа гэж харж байгаа. Та үүнийг судалсан уу. Дэд сайдаа больё гэдэг саналыг дэмжиж байгаа юу. Яагаад төсвийн тодотголыг буцаагаад татчихав. Ийм сонирхол байна уу. Ард түмэн яагаад ядуу байгаагаа ойлгохгүй байна. Ам.доллар хаачсан бэ. Долларын хомсдолд оруулсан нөхөдтэй хариуцлага тооцох уу. У.Хүрэлсүх: -Багш нарын зовлонг мэднэ. Манай гэр бүл багшийн цалингаар амьдарч байсан. Оюун санааны хөдөлгөгч хүч нь багш байдаг. Багш, эмч нарын асуудлыг анхаарах ёстой. Төрийн байгуулалтын байнгын хороон дээр хэлсэн. Цалин нэмэх боломжгүй гэж. Энэ төрийн бүх албан хаагчдад хамаатай. Валютын сантай тохирсон зүйл ч бий. Боломж нөхцлийг судалж үзнэ. Аль болох багш, эмч нарын цалинг нэмэх талаар ажиллана. Яамдын тоог нэмэхгүй, хасахгүй. Агентлагууд энэ хэвээр ажиллана. Сандал ширээ зөөж нааш цааш гүйхгүй. Төрийн албан хаагчдыг халахгүй. Харин ажлаа хийж чадахгүй хариуцлага алдсан төрийн албан хаагчдын толгойг илэхгүй. Төрийн хуулийг дээдэлдэг зарчим суларсан байна. Б.Бат-Эрдэнэ: -У.Хүрэлсүхийг дэмжиж байна. Засгийн газрыг тэргүүлж ажиллаж чадна гэж итгэж байна. Нийгэмд шударга ёсны үнэлэмж алга болсон. Уул уурхай үүнд түлхэц өгч газрын хэвлий, баялгаа буруу ашиглаж байна. Үүнийг цэгцлэх үү. У.Хүрэлсүх: -Газрын доорх баялаг ард түмний өмч байх ёстой. Хүн бүр тэгш хүртэх ёстой. Хууль дүрэм зөрчигдсөн үйлдлийг шалгана. Үүний төлөө шинэ Засгийн газар ажиллана. Эх сурвалж: www.polit.mn