Халдлагын улмаас 12 хүн амь үрэгдсэн  байна

Эр-Рияд дахь Хан Халидын нэрэмжит олон улсын нисэх онгоцны буудал  аравдугаар сарын 10-ны бямба гарагийн үдээс хойш пуужингийн цохилт өгснөөр 309 хүн шархадаж, хүмүүс нас барсан байна. 

The Wall Street Journal мэдээлэхдээ, пуужин 3, 4 дүгээр терминалуудыг оносон байна гэсэн байна. Саудын Арабын Иргэний нисэхийн ерөнхий газрын мэдээлснээр, уг ослын улмаас 309 хүн  бэртэж гэмтсэн, заримынх нь биеийн байдал хүнд байна гэжээ. Халдлагын улмаас 12 хүн амь үрэгдсэнийг албаны мэдээлэлд дурджээ.

Саудын Арабын агаарын тээврийн албанаас халдлагын дараа нисэх онгоцны буудлын үйл ажиллагааг түр зогсоосон. Агаарын тээврийн компаниуд Эр-Рияд руу чиглэсэн зарим нислэгээ цуцлах буюу өөр тийш нь шилжүүлсэн зохицуулалтыг хийжээ.

Хуситуудын эсрэг Арабын эвслийн хэвлэлийн төлөөлөгч Турки аль-Малики халдлагад Йемений хөдөлгөөнийг буруутгажээ. Харин Хуситууд Эр-Риядын нисэх онгоцны буудалд хийсэн халдлагын хариуцлагыг хараахан хүлээгээгүй байна.

Энэхүү халдлага нь тус улсад эхэлж байгаа Дэлхийн Эрчим Хүчний Конгресс болон энэ сарын сүүлээр болох Ирээдүйн Хөрөнгө Оруулалтын Санаачилгын хөрөнгө оруулалтын форумын өмнө болсон юм. Саудын албаныхан FT-д хоёр арга хэмжээг хуваарийн дагуу болно гэсэн байна.

Антониу Гуттериш  халдлагыг буруушааж, иргэний дэд бүтцэд халдахыг зогсоохыг уриалав

АНУ-ын Ерөнхийлөгч Дональд Трамп Саудын Арабын угсаа залгамжлах хунтайж Мохаммед бин Салмантай хараахан яриагүй байгаа ч ярилцахаар төлөвлөж байгаа гэсэн байна. Тэрээр “Саудын Арабт болсон явдал огт хүлээн зөвшөөрөгдөхгүй” гэж мэдэгджээ.

АНУ-ын Төрийн нарийн бичгийн дарга Марко Рубио Эр-Риядын нисэх онгоцны буудалд болсон халдлагыг буруушааж, Хуситуудыг буруутгаж байгаагаа мэдэгдсэн байна. Тэрээр ийм халдлагыг зогсоохыг шаардаж, АНУ Саудын Араб болон түүний ард түмэнтэй эв санааны нэгдэлтэй байгаагаа илэрхийлжээ.

НҮБ-ын Ерөнхий нарийн бичгийн дарга Антониу Гуттериш Эр-Риядын нисэх онгоцны буудалд болсон халдлагыг хатуу буруушааж, иргэний дэд бүтцэд халдахыг зогсоохыг уриалсан байна.

Өнгөрч буй долоо хоногт тус нисэх онгоцны буудал гурав дахь удаагаа цохилтод өртжээ. Пүрэв гарагт болсон өмнөх халдлагад Саудын гурван иргэн, тэр дундаа нисгэгч амь үрэгдсэн байна.

Эх сурвалж: polit.mn