К.АНУ

Казахстанд наймдугаар сарын 23-нд Парламентын сонгуулийн санал хураалт эхэллээ.  Сонгуулийн санал хураах 10,400 гаруй байр оройг 20 цаг хүртэл ажиллана. Мөн Казахстаны иргэд 61 орны дипломат төлөөлөгчийн газарт байгуулагдсан 79 санал авах байранд санал өгөх боломжтой. Түүнчлэн Иран, Украинд аюулгүй байдлын үүднээс гадаадад санал өгөхийг түр зогсоосон бол Этиоп дахь Казахстаны Элчин сайдын яаманд бүртгэлтэй Казахстаны иргэд байхгүй тул санал авах байр байгуулаагүй гэж Анадолу агентлаг мэдээлжээ.

Ээлжит бус сонгуульд  долоон намаас нэр дэвшсэн 545 нэр дэвшигч 145 суудлын төлөө өрсөлдөж байна. Тус улсын Сонгуулийн төв байгууллагын мэдээлснээр сонгуульд 12.6 сая орчим сонгогч бүртгүүлсэн байна.

Энэ сонгууль энэ онд батлагдсан шинэ Үндсэн хуулийн дагуу явагдаж байгаа бөгөөд  шинэ хуулиар Казахстаны өмнөх хоёр танхимтай парламентыг халж, оронд нь 145 депутатаас бүрдсэн нэг танхимтай хууль тогтоох байгууллага байгуулсан юм. Тодруулбал, Казахстан улсад 2026 оны гуравдугаар сард бүх нийтийн санал асуулга явагдаж, улмаар тус улсын шинэ Үндсэн хууль долоодугаар сарын 1-нээс хэрэгжиж эхэлсэн. Энэхүү өөрчлөлтөөр Казахстан улс хоёр танхимтай парламентаас нэг танхимтай хууль тогтоох дээд байгууллагатай болсон. Тодруулбал, нэг танхим бүхий хууль тогтоох дээд байгууллага  Хурултай /Kurultai/ нь 145 гишүүнтэй байх ба нэг бүрэн эрхийн хугацаа нь таван жил болсон.  Үндсэн хуульд орсон өөрчлөлттэй холбоотойгоор Ерөнхийлөгч Касым-Жомарт Токаев  сонгууль зарлах тухай зарлигийг долдугаар сарын 1-нд гаргасан байна.

Эх сурвалж: polit.mn