Б.БАЯР
Монголчууд Үндэсний их баяр наадмаас хойш шатахуунд дугаарласан. Өнгөрсөн долоо хоногт “Олон арван вагон шатахуун Оросоос ирж байгаа” гэсэн ч Монгол даяар шатахууны хомсдол, дугаарлалт хэвээрээ л байна. Иргэд ийм бухимдалтай, 50000 төгрөгийн шатахуун авахаар ШТС-д нь хоньн өнжин дугаарлаж байх үед “Шунхлай”-гийн босс П.Батсайхан “Хэдхэн цагийн өмнө “Brabus” компанийн дэлхийд танилцуулсан ердөө 77ш үйлдвэрлэх “BRABUS BODO” автомашины “Cabrio” загварыг монгол эрхэм өөртөө зориулж анхны 01 загварыг custom тоноглолтойгоор захиаллаа” хэмээн нийгмийн сүлжээнд зарлуулж нийтийг бухимдуулав. Үүнийг үзсэн иргэд “Засгийн газраас 160 тэрбумыг татаас нэрээр гаргуулаад 3.4 тэрбумаар нь үнэтэй машин очиж захиалаад, төсөв бүрдүүлдэг татвар төлөгчдийг гадаа бензинд очерлуулан хонуулж байгаад бензинээ литр тутмыг нь 400 төгрөгөөр нэмж шулж байгаа юм” гэж ч шүүмжлээд авлаа.
Мөн нийгмийн сүлжээнд идэвхтэй, нэртэй эийн засагч эрхэм “Хөрөнгө мөнгөний хувьд боломжийн бизнесменүүд эд хөрөнгөө гайхуулалгүй шиг, юм үзсэн хүн шиг байхгүй бол иргэд та нарт улам л дургүйцэх болно шүү” хэмээн анхааруулав.
Нээрэн ч, “Шунхлай”-гийн 50000-ын шатахуунд хонон өнжин дугаарлаж байгаа монголчууддаа “Шунхлай”-гийн босс дөрвөн тэрбумын “BRABUS BODO” гайхуулж байдаг. Монголын өнөөгийн амьдралын “хүчний харьцаа” нь энэ юм даа.
Эх сурвалж: “Зууны мэдээ” сонин
2026 ОНЫ НАЙМДУГААР САРЫН 18. МЯГМАР ГАРАГ. № 153 (7895)
Хуурамч мэдээлэл хаа сайгүй тархах болсон энэ үед баримттай, эх сурвалжтай, үнэн бодитой мэдээллийг “Зууны мэдээ” сониноос аваарай.
Үнэн мэдээллийг хамтдаа хамгаалцгаая.
Бие даасан сэтгүүл зүйг дэмжин "Зууны мэдээ" захиалаарай. www.zuuniimedee.mn
