Эрүүл мэндийн салбарт 20 жилийн турш ажиллаж, үе, ясны чиглэлээр 15,000 гаруй мэс заслыг амжилттай хийсэн эмч Т.Мөнхсайханы хөдөлмөр, зүтгэлийг төр өндрөөр үнэлж, Монгол Улсын Ерөнхийлөгчийн зарлигаар Хүний гавьяат эмч цолоор шагнахаар болжээ.
Тэрээр 2023 онд "Монгол Улсад өвдөг, мөрний үений дурангийн мэс заслыг нэвтрүүлэн нутагшуулсан нь" бүтээлээр багаараа Төрийн соёрхол хүртэж, үений дурангийн мэс заслын орчин үеийн аргыг эх орондоо амжилттай хөгжүүлсэн юм.
Мөн 30 гаруй мэс засалчийг бэлтгэн сургаж, тэдгээр эмч нар өнөөдөр Монгол Улсын өнцөг булан бүрд иргэдэд мэргэшсэн тусламж үйлчилгээг үзүүлж байна.
Тэрээр Улсын Их Хурлын гишүүний үүргийг гүйцэтгэхийн зэрэгцээ эмчийн ажлаа орхиогүй, иргэдийн үзлэг, мэс заслын тусламжийг тогтмол үзүүлсээр байна.
Олон жилийн хөдөлмөр, эмнэлзүйн ур чадвар, эрүүл мэндийн салбарын хөгжилд оруулсан хувь нэмрийг нь ийнхүү төр өндрөөр үнэлж буй хэрэг юм.