Ч.Бямбаа

Өнөөдрийн УИХ-ын чуулганаар Төрийн болон орон нутгийн өмчит компанийн бүтээмж, ил тод байдал, засаглалыг сайжруулах тухай хуулийн төсөл болон хамт өргөн мэдүүлсэн хууль, тогтоолын төслүүдийн анхны хэлэлцүүлэг боллоо.  Энэ үеэр УИХ-ын гишүүд асуулт асууж, хариулт авлаа.

УИХ-н гишүүн Н.Алтаншагай:

-Төрийн болон орон нутгийн өмчит ААН-ийг улс төрөөс хараат бус нээлттэй, ил тод, үр өгөөжтэй байхыг иргэд маш ихээр хүсэж байгаа. Энэ хууль батлагдснаар төрийн болон орон нутгийн өмчит компанийн засаглал хэрхэн сайжрах вэ. Улс төрөөс хараат байж чадах уу. Мөн сонгон шалгаруулалтыг яаж хийж байгаа вэ. Төрийн болон орон нутгийн өмчит ААН-ийн үйл ажиллагаа болон санхүүгийн тайланг олон нийтэд нээлттэй ил тод тайлагнадаг болмоор байна. Төлөвлөгөөт болон аудитын шалгалтууд ямар хэмжээнд явж байна вэ?

Ажлын хэсгийн гишүүн н.Цолмон:

-Хуулийн төсөлд төрийн өмчит компанийн удирдлага зохион байгуулалт, засаглалын талаар нэлээд нарийвчилсан зохицуулалтууд орсон. Ялангуяа, компанид тавигддаг нийтлэг шаардлагуудыг төрийн өмчит компаниудад  хуульчилж оруулж өгсөн байгаа. Таны хэлсэнчлэн улс төрөөс хараат бус байх шаардлага хамгийн түрүүнд тавигдаж байгаа.

Сонгон шалгаруулалтыг Төрийн өмчийн бодлого зохицуулалтын газар төрийн бодлого зохион байгуулах зохицуулалттайгаар орсон байгаа.

Эх сурвалж: www.polit.mn