Ч.Бямбаа

Энэ оны нэгдүгээр сарын 1-нээс эмч, эмнэлгийн ажилтны болон багш ажилчдын цалинг үе шаттайгаар нэмэгдүүлэхээр шийдвэрлэсэн ч цалингийн систем нь хоёр тогтолцоотой болсон гэж Боловсролын сайд Л.Энх-Амгалан тайлбарласан байдаг. Ингэхдээ энэ асуудал нь сайд асан П.Наранбаярын алдаа гэж байр сууриа илэрхийлсэн юм.

Тэгвэл УИХ-ын гишүүн, Боловсролын сайд асан П.Наранбаяр өнөөдөр мэдээлэл хийлээ. Тэрээр "МАН-ынхан хамтарсан шиг хамтар. Өмнөх сайд нар руу буруугаа чихэж буй увайгүй үйлдлээ зогсоо. Хамгийн их гал үүрсэн сайд нарын нэг нь би байсан шүү. Галыг Засгийн газар руу оруулж ирээгүй. Гэтэл өмнөх сайд нар руугаа уруугаа чихээд өнгөрнө гэж байхгүй шүү. МАН-ын энэ үйлдлийг нам дээрээ шат шатны түвшинд авч хэлэлцэнэ. Халаа сэлгээгээ хар. Бид төрийн бодлогын залгамж халааг хадгалаад  явсан шүү. Бүгд төрийн албаны мерит зарчмаараа ажиллаж ирсэн хүмүүс. Надад иргэдийнхээ эсрэг, багш нарынхаа эсрэг хийсэн бодлого байхгүй гэдгийг хариуцлагатайгаар мэдэгдье" гэлээ. 

Эх сурвалж: www.polit.mn