П.АМГАЛАН

МУБИС-ийн Нийгэм, хүмүүнлэгийн ухааны сургуулийн Сэтгүүл зүйн тэнхимийн хамт олон БНХАУ-ын Өвөр Монголын Багшийн Их Сургуулийн Сонин мэдээллийн дээд сургуулийн захирал, доктор (Ph.D), профессор Zhang Yun /Жан Юн/ тэргүүтэй төлөөлөгчдийг хүлээн авч, албан уулзалт хийлээ. Уулзалтаар хоёр сургуулийн хамтын ажиллагааны өнөөгийн байдал, цаашдын хөгжлийн талаар санал солилцож, ялангуяа сэтгүүл зүйн чиглэлээр хэрэгжүүлж ирсэн хамтын ажиллагааг үргэлжлүүлэх, хамтарсан эрдэм шинжилгээ, судалгааны ажил, хиймэл оюун ухаан, дижитал технологийн төсөл хөтөлбөрүүдийг өргөжүүлэх боломжуудыг хэлэлцэв. Мөн багш, оюутан солилцооны хөтөлбөр, сургалт, судалгаанд инновац шингээсэн хамтын шинэ санаа, төслүүдийг хэрэгжүүлэх чиглэлд талууд харилцан санал нэгдлээ. Цаашдын уулзалтуудаар хэрэгжүүлэх ажлын жагсаалт, төсөл хөтөлбөрийн саналуудыг нарийвчлан солилцож, бодит үр дүнд хүргэх талаар харилцан ойлголцолд хүрсэн уулзалт болов. Уулзалтад БНХАУ-ын Өвөр Монголын Багшийн Их Сургуулийн Сонин мэдээллийн дээд сургуулийн захирал, доктор (Ph.D), профессор Zhang Yun /Жан Юн/, мөн тус сургуулийн багш, доктор (Ph.D) Ундрахбулаг (WENDURIHUBAOLIGAO), МУБИС-ийн Сэтгүүл зүйн тэнхимийн эрхлэгч, доктор (Ph.D), дэд профессор М.Одмандах, доктор (Ph.D), дэд профессор С.Амартүвшин, доктор (Ph.D) Ч.Энхбат, доктор (Ph.D) Б.Чинзориг нар оролцлоо.

Эх сурвалж:www.polit mn