Т.САЙХАН

УИХ-ын чуулганы нэгдсэн хуралдаан 14:00 цагт эхэллээ. 

УИХ-ын гишүүн О.Амгаланбаатар:-Монгол Улсын Үндсэн хуулиас хэд хэдэн зүйл уншиж өгье. Үндсэн хуулийн 3 дугаар зүйлд Монгол Улсад засгийн бүх эрх ард түмний мэдэлд байна. Монголын ард түмэн төрийн үйл хэрэгт шууд оролцож, мөн сонгож байгуулсан төрийн эрх барих төлөөлөгчдийн байгууллагаараа уламжлан энэхүү эрхээ эдэлнэ гэж заасан байдаг. Мөн Үндсэн хуулийн 2-р бүлэг, 14-р зүйлийн 2. Хүнийг үндэс, угсаа, хэл, арьсны өнгө, нас, хүйс, нийгмийн гарал, байдал, хөрөнгө чинээ, эрхэлсэн ажил, албан тушаал, шашин шүтлэг, үзэл бодол, боловсролоор нь ялгаварлан гадуурхаж үл болно. Хүн бүр эрх зүйн этгээд байна хэмээн заасан байдаг.

Манайхан Үндсэн хуулийн Цэцийн дүгнэлт гарсан. ҮХЦ-ийн шийдвэр гарч, УИХ-ын гишүүн Х.Булгантуяаг Үндсэн хууль зөрчсөн байна гэсэн. УИХ-ын дэд дарга гэж байхгүй шүү. Тэгэхээр Х.Булгантуяа гэдэг хүнийг УИХ-ын гишүүнээс эгүүлэн татах асуудлыг хэлэлцэхгүй бол Монголд хуулийн өмнө бүгд адил тэгш байх Үндсэн хууль зөрчигдөнө. Би эмэгтэй хүн гэж давуу байдал олохыг оролдож байгаа этгээдүүдээс болж, хариуцлага тооцохгүй байж болохгүй. 

УИХ-ын гишүүн Д.Ганбат: -Хэн нэгэн Х.Булгантуяа, С.Одонтуяадаа асуудал байгаа юм биш. Хууль дээдлэх, сахиулах үүргээ эндээ ярьж, шийдэх ёстой. Үндсэн хууль маань ард түмэнтэй байгуулсан гэрээ учраас хэн ч гишгэж болохгүй. Та ч гэсэн хуралдаан даргалж байгаа бол ажлаа хий. Хуулиа сахиулаад, хэлэлцээд явахгүй бол энэ улсад хэн хуулиа биелүүлэх юм бэ.Тэр тусмаа Үндсэн хуулиа дээдэлж, сахих ёстой. Эсвэл танай МАН тарах л болж дээ. 

Эх сурвалж:www.polit.mn