Б.НЯМСҮРЭН

УИХ-ын чуулганы өчигдрийн хуралдаанаар Засгийн газраас өргөн мэдүүлсэн Монгол Улсын 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуульд өөрчлөлт оруулах тухай хуулийн төслийн эхний хэлэлцүүлгийг үргэлжлүүлэв.

Монгол Улсын Ерөнхий сайд Г.Занданшатар намрын чуулганы эхний өдөр 2026 оны Төсвийн төслийн талаар танилцуулга хийж Төсвийн тогтвортой байдлын зөвлөл дүгнэлтээ танилцуулсан. Тиймээс хэлэлцэж байгаа асуудалтай холбогдуулан үдээс өмнөх хуралдаанд Улсын Их Хурлын гишүүд асуулт асууж, Засгийн газрын тэргүүн болон салбарын сайд нар харилт хэлэв.

УИХ-ын гишүүн Д.Цогтбаатар:

-Өчигдрийн асуултаа дахин асууя. Төрийн албаны зөвлөл Баянхонгор аймагт хийсэн хууль бус томилгоог дахин тодруулмаар байна. 2024 оны санхүүгийн тайланд 15 их наяд төгрөгийн зөрчил дутагдал илэрсэн. Төсвийн ерөнхийлөн захирагч нарын хариуцлагын асуудлын талаар ерөнхий аудиторын зүгээс хариулт өгөөгүй байгаа. Энийг УИХ-ын Тамгын газар цааш мэдэгдэж өгөөрэй. Мөн АТГ МАН-ын Цагаан байр руу орохдоо дутуу орчихсон юм. Өшөө цааш нь орсон бол одоо энд хэлэлцээд байгаа төсвөөс хэд дахин их хэмжээний хөрөнгөтэй дарга нар тэр цагаан байранд байгаа. 

Дэлгэрэнгүй унших линк: www.zuuniimedee.mn

Эх сурвалж: “Зууны мэдээ” сонин

2025 ОНЫ ЕСДҮГЭЭР САРЫН 19. БААСАН ГАРАГ. № 176 (7673)

Уншигч Танд “Зууны мэдээ” сонины нийтлэлтэй холбоотой санал, шүүмжлэл, хүсэлт байвал zuuniimedee@gmail.com хаягаар илгээгээрэй.