“Цомхотгол хийхдээ шууд халахгүй, албан тушаалд шилжүүлэх зохицуулалт хийнэ”

2025-06-26
Нийтэлсэн: Админ
 3 мин унших

Т.САЙХАН

УИХ-ын чуулганы нэгдсэн хуралдаан болж,  Засгийн газрын бүрэлдэхүүний тухай хуулийн төслийг хэлэлцлээ.   Энэ үеэр гишүүд Засгийн газрын гишүүдээс асуулт асууж хариулт авав. 

 

“Орон тооны цомхотгол дунд шатанд завхрах вий”

УИХ-ын гишүүн Ц.Идэрбат: 
-Аймаг сумдын тамгын газрууд, сургууль, цэцэрлэг бүгд хатуу орон тоотой. Толгой мэдэж хүн нэмсэн нэг ч дарга байхгүй. Харин хаана замбараагүй байдал үүсдэг вэ гэвэл яам, агентлагуудад. Тэнд ажилчдынхаа тоог мэдэхээ байтлаа томорсон. Эндээс цомхотголоо эхлэх хэрэгтэй. Орон нутгуудад төрийн албанаас есөн хүн хасаарай гээд хатуу тоо тавьчихсан. Одоо тэгээд цомхотголд орох есөн хүнийхээ нэрийг явуул гээд яаруулаад байна гэнэ. Цомхотголыг ингэж гэнэтийн битгий хийгээч ээ. Дээрээс нь төрийн албан хаагчдын 36 сарын тэтгэмжийн асуудлыг цомхотгол, төсвийн хэмнэлтэд оруулахгүй байхыг хүсч байна. Үүнийг авах гэж сүүлийн арван жил гүрийж ажиллаж байгаа олон хүн бий. Тиймээс нэг л өдөр ийм гэнэтийн шийдвэр битгий гаргадаг байгаач ээ. Аливаа зүйлийг засахдаа уян хатан, олон талаас харах хэрэгтэй шүү. Орон тооны цомхотгол дунд шатанд завхрал гарах вий дээ гэж бодож байна. 
ЗГХЭГ-ын дарга С.Бямбацогт: 
-Ерөнхий сайд, сайд нар томилогдох үедээ яам, агентлаг гээд төрийн байгууллагууд цомхон бүтээмжтэй байх ёстой гэсэн байр суурийг илэрхийлж байсан. Энэ хүрээнд 16 сайдтай үйл ажиллагаагаа явуулахаар болсон. Мөн 58 үндэсний хороог хоёр дахин цөөлөхөөр болсон. Яамдын газар хэлтсийн тоог цөөлнө. Тухайлбал, 270 гаруй газар, хэлтэс  байсныг 180 болгож цөөлж байгаа. Цомхотгол хийхдээ шууд халах байдлаар хийхгүй байгаа. Даргын албан тушаалаас буулгалаа гэхэд ахлах мэргэжилтэн, шинжээч зэрэг албан тушаалд шилжүүлэн ажиллуулах зохицуулалт хийж байна. Одоогийн байдлаар шууд халсан асуудал байхгүй. 

 

“Төсвийн мөнгөөр хурал, цуглаан хийдэг байдлаа зогсоох хэрэгтэй”

УИХ-ын гишүүн Ө.Шижир: 
-Засгийн газрын бүтэц бүрэлдэхүүнийг өөрчлөхдөө зардлуудаа бас хармаар байна. Улс орны эдийн засаг хүнд байхад цаасан дээр бүтэц нь байхгүй мөртлөө зардал нь хэвээрээ байгаад байж болохгүй. Одоо нэг нам хоёр шадар сайдтай байгаа шүү дээ. Хүнд нь зориулж албан тушаал бий болгодог байж болохгүй.  Төсвийн мөнгөөр хурал, цуглаан хийдэг байдлаа зогсоох хэрэгтэй. 


 Ерөнхий сайд Г.Занданшатар:
 -Хэн нэг хүнийг ажилгүй болгоно гэхээс илүү төрийн бүтээмж, чадамжийг сайжруулах давхардсан орон тоог цэгцлэхийг зорьж байна.


 УИХ-ын гишүүн Б.Бат-Эрдэнэ: 
-Засгийн газрын бүтэц, бүрэлдэхүүний өөрчлөлтийг дэмжиж байгаа. Ерөнхий сайд авлига, албан тушаал, ашиг сонирхлын зөрчилтэй сайд нарыг шууд чөлөөлнө гэсэн. Энэ хүрээнд 2024 оны есдүгээр сард  1.2 тэрбум төгрөгөөр сургуулийн менежментийн сайжруулахад дэмжлэг үзүүлэх Боловсролын сайдын тушаал гарсан. Ингээд сургууль бүрд 10,10 сая төгрөгийг олгох замаар, нөгөө мөнгөө тараан байршуулсан байгаа юм. Ингэснийхээ дараа тэдгээр 120 сургуулиас буцаагаад нэг байгууллага руу буюу сургуулийн судалгаа хөгжлийн “Шинэ монгол төв” ТББ руу төвлөрүүлсэн. Энэ бол ашиг сонирхлын зөрчил. Боловсролын сайд П.Наранбаяр энэ үйлдлийнхээ төлөө огцрох ёстой. Нэр бүхий гишүүд нийлж Боловсролын сайдыг огцруулах хүсэлт өгнө. Ерөнхий сайд авлига, албан тушаал, ашиг сонирхлын зөрчилтэй сайд нарыг шууд чөлөөлнө гэсэн үгэндээ эзэн байхыг хүсэж байна.

 

Ц.Сандаг-Очирыг байнгын хороон даргаар сонголоо

Үргэлжүүлэн УИХ-ын чуулганы хуралдаанаар Засгийн газрын өргөн мэдүүлсэн  Монгол Улсын 2025 оны төсвийн хүрээний мэдэгдэл, 2026-2027 төсвийн төсөөллийн тухай хуульд өөрчлөлт оруулах тухай хуулийн төслийг хэлэлцэхийг дэмжиж Төсвийн байнгын хороонд шилжүүллээ. Мөн ТББХ-ноос оруулж ирсэн байнгын хорооны даргад УИХ-ын гишүүн Ц.Сандаг-Очирыг томилуулах саналыг хэлэлцэн шийдвэрлэлээ. Санал хураалтаар гишүүдийн олонх буюу 60 хувь нь дэмжсэнээр Ц.Сандаг-Очирыг шинэ даргаар сонголоо.

Эх сурвалж: "Зууны мэдээ" сонин

2025 ОНЫ ЗУРГААДУГААР САРЫН 26. ПҮРЭВ ГАРАГ. № 119 (7616)

111
Mal emneleg tasag 2 hvn bdg hiih ajilgvi 1 l bhad bolno. Hun am tsuutei sumand 2 hvn yu hiihew dee. Ajildaa ch irehgvi. Ahiad bas huduu aj ahuin tasag gd yu ch hiidiin baahan Sul tsalin awsan hvmvvs
Эмэгтэйчүүд хар тамхинд донтох нь ихэсчээ

Эмэгтэйчүүдийн 407 дугаар нээлттэй, хаалттай хорих ангийн хүмүүжигч Х найзынхаа санал болгосноор анх хар т

13 цаг 22 мин
АНУ-ын Хууль зүйн яам Вашингтонд гэмт хэргийн статистик гуйвуулсан эсэхийг шалгаж байна

The Washington Post-ын мэдээлснээр, АНУ-ын Хууль зүйн яам Колумбын т

Өчигдөр 10 цаг 39 мин
Трамп АНУ-д шуудангийн санал хураалтыг бүрмөсөн хална гэв

Трамп АНУ-д шуудангийн санал хураалтыг бүрмөсөн хална гэв

Өчигдөр 10 цаг 34 мин
Ө.Шижир: 630 тэрбум төгрөгийг шаардлагатай төсөл, хөтөлбөрт зарцуулах ёстой

УИХ-ын гишүүн Ө.Шижир “Гишүүний таван тэрбум” гэх асуудал нь УИХ-ын гишүүдийн саналыг багцлах, Засгийн

Өчигдөр 06 цаг 00 мин
“Тавантолгой түлш” компани 1.5 их наяд төгрөгийн өр “үйлдвэрлэжээ”

Засгийн газар 2018 оны дөрөвдүгээр сарын 25-ны өдөр “Сайжруулсан шахмал түлшний үй

Өчигдөр 06 цаг 00 мин
"Малчид бэлчээрээ нөхөн сэргээж, биологийн төрөл зүйлээ хамгаалж байна"

Монгол орны хөдөө аж ахуйн салбарын 80 гаруй хувийг эзэлдэг мал аж ахуй нь о

Уржигдар 06 цаг 00 мин
О.Батнайрамдал: “Онтрэ” тусгай зөвшөөрлүүдээ “Оюу Толгой” ХХК руу шууд шилжүүлбэл УИХ-ын бүрэн эрхэд халдсан хэрэг болно

УИХ-ын гишүүн, Оюутолгойн бүлэг ордын ашиглалтыг Хянан шалгах түр хорооны дарга О.Батнайрамдалтай цаг үеийн асуудлаар ярилцлаа.

Уржигдар 06 цаг 00 мин
“Хиймэл дагуул хөгжлийн дараагийн алхам болно”

Техник, технологи хурдацтай хөгжиж  буй  энэ үед   цаг хугацааны эргэлтээр  маш хурдан хугацаанд бүх зүйлс

2025-08-18
Бүлэглэл буцаад сэргэлээ, сайн уу муу юу?

Монгол Улс 1992 оноос хойшх 30-аад жилд зөв замнасан уу, буруу явсан уу. Энэ асуулт тавигдаж, хэн нэгэн хариулах шаардлага үүсэв бололтой.

2025-08-18
Их гүрний удирдагч нарын энхийн төлөө гэсэн уриа хэзээ биеллээ олох вэ?

Дэлхий даяараа өнгөрсөн бямба гаригт АНУ, ОХУ-ын Ерөнхийлөгч нарын дээд хэмжээний уулзалт руу анх

2025-08-18