Б.Гарьд

Монгол Улсын 34 дэх Ерөнхий сайдаар Г.Занданшатарыг томиллоо. Түүнийг дотроос улс төр, эдийн засгийн, гаднаас эдийн засаг, геополитикийн сорилтууд хүлээж байна. 
Энэ бүхэнтэй тулахад “…Г.Занданшатарын Засгийн газар яаж бүтэх вэ” нэн тэргүүний асуудал юм. Тодруулбал, одоо түүнд Засгийн газрын бүтцийг яаж зурах, бүрэлдэхүүнээ хэрхэн сонгох, мөн дээрээс нь УИХ-д суудалтай улс төрийн, нам хүчнүүдтэй хамтрах эсэх гээд гурван асуудал үүсээд байгаа юм. 
Мэдээж, дээрээс “…Өмнөх сайд нараа авч үлд” гэдэг чиг ирнэ.  Энэ талаар олон хоног яригдлаа. Нөгөөдүүл нь ч үлдэх эрмэлзлээ нууж чадсангүй.
Харин Г.Занданшатар үүнийг биелүүлэх үү, аль эсвэл бие даагаад өөрийнхөөрөө шийдэх үү. Өөрөөр хэлбэл, эдгээрийг хэрхэн шийдэхээс нь “…Г.Занданшатар өөрийнхөөрөө байж чадах уу, үгүй юу” гэдэг харагдана. 
Товчхондоо, тэрээр Засгийн газрынхаа ирээдүйг дээрх гурван “тооцоолол”-оор зурна. 

Эх сурвалж: polit.mn