Т.БАТСАЙХАН

УИХ-ын чуулганы нэгдсэн хуралдаанаар өчигдөр Засгийн газраас өргөн мэдүүлсэн “Монгол Улсын хөгжлийн 2026 оны төлөвлөгөө батлах тухай” тогтоолын төслийг хэлэлцлээ.  Монгол Улсын парламент анх удаа 126 гишүүнтэй өргөн бүрэлдэхүүнтэйгээр Монгол Улсын хөгжлийн төлөвлөгөөг хэлэлцэж байгааг УИХ-ын дарга Д.Амарбаясгалан онцлов. Иймд гишүүдийг чуулганд тогтвор, суурьшилтай, идэвхтэй оролцохыг уриаллаа. Учир нь чуулганы хуралдаанд УИХ-ын 126 гишүүнээс 106 нь суухаар ирцээ бүртгүүлсэн боловч танхимын шууд дамжуулалтаас харахад гишүүд цөөхөн байв. 

Хотыг хуваах асуудлыг хойшлуулав

Хуралдааны эхэнд Хот тосгоны эрх зүйн байдлын тухай хуульд өөрчлөлт оруулах тухай хуулийн төсөл болон хамт өргөн мэдүүлсэн хууль, тогтоолын төслүүдийг хэлэлцэж батлав.  Өөрөөр хэлбэл, Улаанбаатарыг 14 хотод хуваах хуулийн хэрэгжилтийг нэг жилээр хойшлуулахаар болж байна. Хуулийн төслийг санаачлагчдын зүгээс “УИХ-аас 2024 оны зургадугаар сарын 05-ны өдөр Хот, тосгоны эрх зүйн байдлын тухай хуулийн шинэчилсэн найруулгыг баталж, мөн өдрийн “Хот байгуулах тухай” Улсын Их Хурлын 72 дугаар тогтоолоор Дархан, Эрдэнэт, Зуунмод, Хархорум, Багануур, Налайх гэсэн улсын зэрэглэлтэй зургаан хот, орон нутгийн зэрэглэлтэй 43 хот, дагуул дөрвөн хотыг байгуулсан. Гэвч эдгээр ажил нь орон нутагтай зөвшилцөх зэргээр тодорхой болоогүй, энэ ажлыг зохион байгуулахад багагүй хугацаа хэрэгтэй байгаа тул Хот, тосгоны эрх зүйн байдлын тухай хуулийг дагаж мөрдөх хугацааг хойшлуулах шаардлагатай байна” хэмээн дурдсан байна.

Үргэлжлэлийг zuuniimedee.mn сайтаас цахим сонин захиалан уншаарай.

Эх сурвалж: "Зууны мэдээ" сонин 

2025 ОНЫ ТАВДУГААР САРЫН 27. МЯГМАР ГАРАГ. № 99 (7596)