Т.БАТСАЙХАН

Ерөнхий сайд Л.Оюун-Эрдэнийг хөрөнгө орлогоо нотлохыг зарим иргэд шаардаж, хоёр дахь өдрөө жагсаж байна.  Үүнтэй холбоотойгоор хэн, ямар байр суурь илэрхийлснийг тоймлон хүргэе. 

- Би хуульч хүн. Хууль зүйн яамыг удирдаж байгаа хүний хувьд хэлэхэд хууль бус хөрөнгө орлогыг хураах эрх зүйн зохицуулалт Монгол Улсад байхгүй. Хууль бусаар хөрөнгөжих хуулийн зүйл заалт 2012 онд Эрүүгийн хуульд орсон. Дараа нь үндэслэлгүй хөрөнгөжих болж хувирсан. Харамсалтай нь энэ хуулийн зүйл заалт орсноос хойш гурван удаагийн Өршөөлийн хуулиар Монгол Улс авлигачдаа өршөөсөн. 2015 онд Эдийн засгийн ил тод байдлын хууль гаргаж, 35 их наяд төгрөгийн асуудлыг тус хуульд хамааруулж Өршөөлийн хуулиар өршөөсөн. Одоогийн Засгийн газраас өргөн бариад байгаа Хууль бус хөрөнгө орлогыг хураах төсөлд бид ямар нэгэн ял, шийтгэл ярихгүй байгаа. Гэхдээ 2002 оноос хойш төрийн өндөр дээд албан тушаал хашиж байсан хүмүүс орлогоо нотолж чадахгүй бол хураая л гэж байгаа. Энэ зүйлийг Ерөнхий сайд Л.Оюун-Эрдэнэ дэмжиж,   Засгийн газар УИХ руу оруулсан байгаа. Олон нийт шүүмжилж байгаа асуудлын тухайд Ерөнхий сайд өөрөө тайлбар өгөх байх.

Эх сурвалж: “Зууны мэдээ” сонин

2025 ОНЫ ТАВДУГААР САРЫН 16. БААСАН ГАРАГ. № 92 (7589)