Т.БАТСАЙХАН

Төсвийн байнгын хорооны өчигдрийн хуралдаанаар Ерөнхий аудиторын албан тушаалд нэр дэвшигчийн сонсголыг хийлээ.  УИХ-ын дарга Д.Амарбаясгалан бүрэн эрхийнхээ хүрээнд Ерөнхий аудиторт С.Магнайсүрэнг нэр дэвшүүлсэн юм. С.Магнайсүрэн нь Хөдөлмөрийн яам, Барилга хот байгуулалтын яам, Уул уурхай хүнд үйлдвэрийн яаманд Төрийн нарийн бичгийн даргаар ажиллаж байсан юм.  Гишүүд Ерөнхий аудиторын  албан тушаалд нэр дэвшигчээс юу асууж, ямар хариулт авсныг тоймлон хүргэе.

УИХ-ын гишүүн Б.Заяабал:

- Оюутолгойн гэрээний асуудал дээр та ямар байр суурьтай байна вэ. Далд уурхайн асуудалтай холбоотой хөрөнгө оруулалтын асуудал яригдаж байна. Гэрээтэй холбоотой, татвартай холбоотой маргаан. Оюутолгой компани нь “Эрдэнэт” үйлдвэрээс илүү орлого олж байгаа ч Монголын ард түмэнд илүү үр өгөөж өгөх юм уу. Уул уурхайн яамны Төрийн нарийн бичгийн дарга байсны хувьд асууж байна.

Ерөнхий аудиторт нэр дэвшигч С.Магнайсүрэн:

 -Оюу толгойн гэрээний тухай нарийн асуудал олон бий. Уул уурхайн яам, Сангийн яам хууль шүүхийн байгууллага дээр хариуцагчаар явдаг. Хөрөнгө оруулалт гэдэг талдаа бизнесийн асуудал гэдэг талаасаа бодлогын хувьд зөв том төсөл байсан.  Хөрөнгө оруулалтын гэрээтэй холбоотой олон асуудал бий. Устай холбоотой, газар эзэмшилтэй холбоотой асуудал ч бий. “Онтра” гээд компанийн эзэмшиж байгаа лиценз ч маргаан дагуулж байна. 

Үргэлжлэлийг zuuniimedee.mn сайтаас цахим сонин захиалан уншаарай.

Эх сурвалж: “Зууны мэдээ” сонин

2025 ОНЫ ТАВДУГААР САРЫН 8. ПҮРЭВ ГАРАГ. № 86 (7583)