Монгол Улсын Засгийн газрын 2025 оны нэгдүгээр сарын 14-ний өдрийн хуралдааны 3 дугаар тэмдэглэл, 2025 оны нэгдүгээр сарын 22-ны өдрийн хуралдааны 5 дугаар тэмдэглэл, Бүсчилсэн хөгжлийн Үндэсний хорооны 2025 оны хоёрдугаар сарын 3-ны өдрийн 1 дүгээр тогтоолоор “Бүсийн зөвлөлийн өргөтгөсөн хуралдаан, бүсийн хамтын ажиллагааг дэмжих, олон талт арга хэмжээ”-г зохион байгуулахаар шийдвэрлэсэн.

Энэ хүрээнд холбогдох Төрийн захиргааны төв байгууллагууд болон 21 аймгийн нийт 940 гаруй төлөөллийн бүрэлдэхүүнтэй ажлын хэсгүүд байгуулагдан бэлтгэл ажлыг ханган ажиллаж байна.

“Засгийн газар-Бүсийн зөвлөл”-ийн өргөтгөсөн хуралдаанд Монгол Улсын Засгийн газар бүрэн бүрэлдэхүүнээрээ очиж, бүсүүдэд хуралдах бөгөөд бүсийн хөгжлийг эрчимжүүлэх төсөл, хөтөлбөрүүдийг танилцуулах, бүсийн хөгжлийн дунд, богино хугацааны хөгжлийн бодлого боловсруулах, бүсийн хөгжлийг дэмжих төсвийн төсөл болон бүсчилсэн хөгжлийн бодлоготой уялдуулан аймаг, орон нутгийн хөгжлийн бодлогыг шинэчлэх асуудлын хүрээнд ажлын хэсгийн гишүүдийн өргөтгөсөн хуралдаан болж бэлтгэл ажлыг хангах хүрээнд холбогдох чиглэлийг өглөө гэж Монгол Улсын шадар сайдын ахлах зөвлөх Б.Мөнх-Оргил өөрийн сошиал хуудастаа мэдээлсэн байна.

Эх сурвалж: polit.mn