Д.АРИУН

Хиймэл оюун ухаан (AI)-аар бүтсэн дэлхийн анхны сонин Италид хэвлэгджээ . Il Foglio IA нэртэй энэ дугаарыг өдөр тутмын Il Foglio сонин бүтээсэн бөгөөд эхний дугаарыг гуравдугаар сарын 18-нд олон нийтэд хүргэсэн байна.  

"Il Foglio" сонины энэхүү туршилтын дугаарын бүх нийтлэлийг хиймэл оюун ухаанаар бичсэн байна. Энэ нь редактор Клаудио Серасагийн удирдсан хиймэл оюун ухаан сэтгүүл зүйн практик болон өдөр тутмын амьдралд хэрхэн нөлөөлж байгааг судлах зорилготой нэг сар үргэлжилсэн туршилтын нэг хэсэг юм. Сэтгүүлчдийн үүрэг зөвхөн асуулт оруулах, хиймэл оюун ухаанаар үүсгэсэн хариултуудыг хянах зэргээр хязгаарлагдаж, бичих, гарчиг, ишлэл, хураангуй зэрэгт AI-г ашигласан гэж редактор ярьсан байна.

Дөрвөн хуудас бүхий дугаарыг хэвлэмэл болон онлайн хэлбэрээр авах боломжтой. Энэ дугаарт хувийн үзэл бодол, гүн гүнзгий дүн шинжилгээ, ярилцлага байхгүй. Материалууд нь шууд ишлэл агуулаагүй  байна.  Тусгай дугаарт “Италийн Трампист парадокс” нийтлэл, ОХУ-ын Ерөнхийлөгч Владимир Путины тухай нийтлэл, Италийн эдийн засаг дахь шинэчлэлийн тухай нийтлэл багтсан байна. Төгсгөлийн нүүрт хиймэл оюун ухаанаар үүсгэсэн редакторт илгээсэн захидлууд багтсан байна.

Нийтлэлүүд нь тодорхой бөгөөд дүрмийн алдаагүй боловч эх сурвалж хүний ​​шууд ишлэл байхгүй байгаа нь хиймэл оюун ухаанаас үүдэлтэй сэтгүүлзүйн өнөөгийн хязгаарлалтыг харуулж байна гэж Digwatch-d бичжээ.

Эх сурвалж: zms.mn